2015年5月30日 星期六

大台無人 推黃翠如香香小花接棒 翠如,岑麗香,香香,黃翠如,



無綫藝人近年一係北上賺人仔,一係約滿外闖,實力藝人走完又走。繼陳法拉,謝天華同鄧萃雯等人相繼離巢後,胡杏兒早前又話約滿要走。有見及次,無綫一方面挽留人才,更一方面實行力捧新一代港姐花旦,想佢哋接棒啦。據報道指,無綫籌備新劇時制訂新政策,想推黃翠如,岑麗香,陳凱琳,蔡思貝,朱千雪同高海寧呢六個小花坐穩女主角個位。

六人裏面得黃翠如一個唔係選美出身,但佢就冇因此覺得被比下去啦,佢仲話其他人港姐出身好sharp,而自己就係平民出身,做嘅角色都平民化,大家冇得直接比較。翠如更話自己拍劇都係追求享受過程,識到好朋友都好開心,都唔會刻意計較結果。

而以性感見稱嘅高海寧都積極改變形象,嚟緊佢將會同阮小儀齊齊做女主角拍劇。高海寧仲特別做功課,走去街市睇人地點劏魚同賣魚。提到嚟緊要同黃翠如,陳凱琳,蔡思貝等勁敵一較高下,高海寧就話自己主要同自己鬥,希望觀眾會覺得自己越做越好啦。
鍾意就快D Share啦!
Related Posts Plugin for WordPress, Blogger...