| 四個小生浩浩蕩蕩出發，今次唔好再講粗口喇！ | next 1/1 pre |
 | |
| 修哥（左）未出發就已經遊客上身，幫曾江影番張靚相先。 | next 1/1 pre |
 | |
| 跟住曾江（左）又同四哥互窒，一輪唇槍舌劍。 | next 1/1 pre |
 | |
| 鏡頭影住o架喂！ | next 1/1 pre |
 | |
| 你有你哋講，Joe Junior（右一）有Joe Junior自己食花生。 | next 1/1 pre |
 | |
| 行喇，唔好再傾喇！ | next 1/1 pre |
 | |
| 我信四哥對女人冇興趣，我真係信o架。 | next 1/1 pre |
 | |
| 四哥，你真係拎得晒啲行李？ | next 1/1 pre |
曾江、謝賢、胡楓及Joe Junior浩浩蕩蕩現身機場，為無綫節目《四個小生去旅行》遠赴俄羅斯取景，四子未出發就已你一言我一語互窒，場面爆笑。謝賢表示今次責任重大，要照顧年近八十、新加入的曾江，當Joe Junior稱上次負責照顧胡楓時，謝賢即笑着重提爆粗事件：「你照顧佢又害我講粗口？」在旁的曾江隨即抵死笑道：「你啲粗口幾好聽，有娛樂性又有音樂感。等我返嚟話畀大家聽，我有冇學到講粗口，但其實我哋專家過佢（謝賢）好多。」雖然謝賢自言今次不會爆粗，但立刻遭胡楓笑窒：「係今次真係唔會講一句！」
問到會否欣賞俄羅斯美女？謝賢說：「使乜睇，佢哋周街行，女人嘢唔好問我，我依家對女人冇興趣！」胡楓即爆料稱：「佢真係對女人冇興趣，依家係對一個咋！」曾江也加入寸道：「係一日一個！」
對於有傳謝賢早前做「通波仔」手術，更不獲醫生建議坐飛機遠行，謝賢打趣道：「我幾時有波畀人通，我有胸啫，冇波。（好耐之前『通波仔』？）冇事嘅，坐飛機有乜所謂。（接受太空人離心訓練？）唔知畀唔畀我哋玩，要驗身。」胡楓又指唔敢玩熱氣球和拖獅子老虎，更笑謂：「啲獅子老虎冇牙都仲可以考慮，有牙就唔好搞我，好似佢兩個咁（曾江、謝賢）冇人性，容乜易行行吓噬一啖。」
四人又攜同多箱行李出埠，曾江指配合製作組要求，帶備15天色彩繽紛的服裝，謝賢也自爆帶了四件行李，又坦言入面全放滿靚衫，他笑稱：「我唔貪靚，係公司唔受我玩，係我求（參與節目）返嚟㗎咋。」胡楓則說：「真係求番嚟，公司求佢好耐先做，佢準備好移民俄羅斯，所以帶咁多行李。」
腳患痛風數十多年的曾江，被問到怕否行程太辛苦？他說：「有乜辛唔辛苦，唔行得咪唔行囉，話知佢，夾硬嚟點得，講明唔得就唔得。（今趟舒舒服服？）我唔理，我要求我自己，佢要求我做唔到就最多盡力而為。」
|
鍾意就快D Share啦！
|
|
|
