歌手吳若希（Jinny）為劇集《武則天》片尾曲《眼淚的秘密》拍攝MV，當日晨早要在野外山頭取景，害得她美臀慘被蚊咬，Jinny笑說：「其實已經做足防蚊措施，噴咗蚊怕水亦貼咗防蚊貼，但啲古惑蚊居然咬喺我PatPat度，敏感位置又唔可以隨便『R』，真係好可惡！」
畀蟲嚇到尖叫
導演Jacky將現場環境營造出仙境虛幻的感覺，需要燒香放大量的煙，Jinny一邊被煙薰一邊要表現優美的形態，甚至要攀樹坐都不介意，唯獨她最怕小昆蟲，拍攝途中突然有隻蟲爬上她身上，嚇得Jinny高八度叫聲大嗌，她笑說：「我被嚇到好可憐咁發麻咁嗌，但佢哋竟然開心到大笑！」
歌詞唱出心聲
面對之前母親入院、外婆去世等連番打擊，Jinny難過之餘也只能堅強面對，這首《眼淚的秘密》唱出了她的心聲：「呢首歌講武則天嘅愛情經歷，性格好強勢，但無論幾厲害，背後都一定有不為人知嘅付出、犧牲，愛情就係佢嘅弱點。」演繹時固然有把過往愛情經歷代入其中，但更大感受是覺得他們與做藝人很相似，表面風光精彩，但都有軟弱的時候，軟弱時依舊要笑臉迎人，或只可以躲起來。所以有一句歌詞令她感受好深刻：「誰能及我驚天動地，連流淚都覺嫵媚...」完全就唱中她的心聲。
唱到踹不過氣
Jinny更指唱這首歌有一定難度，除了高音外，唱到副歌部份因為歌詞比較密，會唱到喘不過氣，所以事前有用心去上堂學習掌握技巧。之前的《越難越愛》熱潮未過，這首新歌已經又深得外界喜愛，Jinny感謝大家支持，會繼續努力。
吳若希美臀慘被蚊狂咬，佢搞笑話敏感部位唔可以隨便「R」。
若希BB好靚靚呀！
若希BB話《眼淚的秘密》嘅歌詞唱出佢嘅心聲！
|
鍾意就快D Share啦！
|
|
|
