2015年6月3日 星期三

夜場發電 連溝 2洋腸 齊昕心口塞棒 [FACE - 419] 齊昕,梁齊昕,MF,



洋腸 1號 面貼面

梁齊昕捕獲老外,即時打得火熱,拖手、貼面、攬腰乜都齊。

真面目

夜場發電 連溝 2洋腸 齊昕心口塞棒

689個女梁齊昕歐遊充完電回港,齊昕再現仍然好生猛,唔單只出席咗啲品牌活動,上週六( 30日)仲去咗喺啟德遊輪碼頭搞嘅超大型夜蒲盛事 White Party,一身白色谷胸露背裝非常戰鬥格。當晚更即場生擒年輕老外一名,一嚟就發展到貼面攬腰喪調情,老外忘形時更將熒光棒擺喺齊昕心口,齊昕真係好客!







梁齊昕當晚約晚上 11點同經理人兼好友 Carman到達啟德郵輪碼頭,參加每年一度超大型 White Party,齊昕聽話以大會 dress code一身白色騷胸露背裝及白色長褲現身。去歐洲旅行完,齊昕上圍竟然再發育,谷盡咪咪,成為全場焦點。

齊昕講過以前嘅追求者都「好無聊、好白痴!」但似乎對呢位新相識老外就好接受喇!

塞棒落胸

老外(左一)突然將螢光棒擺喺齊昕胸前夾實,齊昕笑晒口仲無意拎開支棒棒,真係玩得!

互攬腰

齊昕同高大老外愈玩愈放,攬晒腰叫朋友影相。

傾心事

約凌晨 3點,齊昕同老外出咗室外靜靜地談心,傾咗兩粒鐘,期間齊昕依偎住老外膊頭,隻手仲放咗喺洋腸大髀位置。

胸夾螢光棒

齊昕由工作人員帶領下步入 VIP區,非常活躍嘅齊昕好快就有老外埋身,其中一名高大老外更一直釘到實,而齊昕亦似乎好 like對方,兩杯過後表現愈見親暱,不停咬耳仔談心又面貼面。

老外又藉機拉齊昕上高台,趁勢攬實齊昕,齊昕毫不抗拒,伸出左手互攬;玩到興起,老外向友人取來一支螢光捧,竟然將熒光捧放喺齊昕胸前夾實,難得齊昕亦唔介意,兩人玩得好 high。

之後齊昕同老外行出 VIP區,走到環境較靜的室外休憩處坐低,齊昕依偎在老外膊頭繼續談心,一傾就兩個鐘。差不多清晨 5點,老外與齊昕同埋另一名長毛男模 Ben C.一齊截的士離開,直駛灣仔,更掩護兩人由後巷閃走。一晚連溝兩洋腸,齊昕真識食,唔知「蘭桂坊洋腸」 David有冇興趣呢?

齊昕與經理人兼好友 Carman到場,當時身邊並無男伴。

同場加映有梁烈唯同太太 Tina,雖然前一晚至補辦婚宴,筵開 52席,翌日就去咗 White Party繼續盡興。

洋腸 2號 孖住走

清晨約 5點,老外同另一名長毛仔陪齊昕坐的士,去咗灣仔修頓球場附近落車,長毛仔更掩護讓齊昕同老外由後巷離開。

呢名長毛仔真實身份係一名 model,名叫 Ben C.,拍過唔少時裝雜誌和廣告。網上圖片

網上圖片

又唔同樣!典解嘅?

正所謂女大十八變,但好似梁齊昕咁無論身形面貌都變得勁過變型金剛就好少見,明明 3個月前被困禮賓府時又瘦又乾,上月初返香港即刻肥番晒,上禮拜六現身 White Party又索番,究竟係點變㗎?好打耳呀!

上週六( 30日)出席 White Party低胸加上殺死人身材,超索!網上圖片

12年梁振英當選特首時,梁齊昕依然肥嘟嘟,打扮撲素。《蘋果日報》圖片

今年初齊昕想入娛樂圈,不時出席活動又聲稱同李逸朗拍電影,當時超瘦,差啲以為佢係厭食症病人。《蘋果日報》圖片

回港後上月底出席活動,齊昕全身上下都圓潤咗好多。

齊昕自 po索相上交友網站,即被網民惡搞開玩笑,將齊昕的父親同齊昕的母親玩 key圖,龍蝦都變索女。網上圖片

網上圖片

鍾意就快D Share啦!
Related Posts Plugin for WordPress, Blogger...