拍攝當日，正正係全港公路單車比賽現場，在鏡頭下 Carmen（紅圈）要落足力踩得快過其他對手，「其實係啲專業單車手特登踩慢啲讓我超前佢哋！」
U Spy
UStar校花冠軍 Carmen 新戲演車手特訓 5星期
參選 FACE UStar校花校草，入行絕對零難度，好似 2013年校花冠軍湯加文 Carmen，繼與鄭伊健和周秀娜拍完電影《分手一百次》後，再連續拍了兩套電影，係犀利嘅！
Carmen城大畢業後無偷懶，專登搵影帝黃秋生學戲，除咗充實自己， Carmen都有好多演出機會，好似張家輝套新作《陀地驅魔人》， Carmen就飾演一個巨籮便利店職員，有唔少同家輝嘅對手戲，不過電影要 10月先有得睇，搞到 Spy吊晒癮。好彩佢話：「我上年 10月接拍咗由金馬獎最佳編劇蔡繼光執導嘅《大浪淘沙》，戲入面我飾演一名單車選手。」
雖然 Carmen間中都有踩車，但就完全唔識踩 road bike，為咗演得似，佢專程向港隊單車代表拜師特訓 5星期，難怪導演蔡繼光對 Carmen讚不絕口，「見住 Carmen由好驚青變到有運動員風采，我好欣賞佢咁有膽量同為演出咁落力！」
|
鍾意就快D Share啦！
|
|
|
