2015年6月3日 星期三

薛凱琪吹水吹飽 [FACE - 419] 薛凱琪,MF,



Wyman掛住食, Fima就掛住講,食泰菜都冇乜嘢落口,唔怪得阿 Fi可以 keep住咁瘦

全知言

薛凱琪吹水吹飽

近排見親薛凱琪( Fiona),一係就做運動,一係就脫毛,見到佢咁鬼瘦,好似唔使食咁!果然,早前全知言見到 Fiona,就真係證明佢係唔使食嘅。

當晚 10點幾 Fiona約咗好友 Wyman喺九龍城歎泰菜,坐低無耐 Wyman已急不及待嗌嘢食,但夜晚食嘢係減肥大忌,結果 Fiona就好似開籠雀咁,手舞足蹈起勢講嘢,全程都唔多覺佢有擺過咩落口。結果餐飯食咗個半鐘, Wyman就同友人頂住大肚腩走人, Fiona就繼續香雞腳咁上車返屋企囉。

本身已經瘦嘅 Fiona,呢期微博、 instagram都係做運動相,但係又唔食嘢,咁樣會唔會對身體唔好㗎?

網上圖片

吹吹吓仲企埋起身,講咩咁興奮呢?

當晚 Fiona, Wyman仲有周國賢去咗撐劉浩龍音樂會,完場後周國賢返屋企湊仔,剩底兩個咪去宵夜囉!

網上圖片

Wyman食緊嘢唔得閒同 Fiona傾偈咩?唔緊要,佢仲有密友喺身邊繼續講。

鍾意就快D Share啦!