現時無工開的周志文，早前接受本刊訪問時，佢就話：「生計冇問題！」
真面目
翻身有望 靠把口死唔去 周志文哭腔死𦧲樂大媽
幾時都話「色字頭上一把刀」！因為衰連環溝女，而被大台派大信封嘅大孖周志文，上月 10日已經要執包袱。前路茫茫，大孖試過搵大隻仔溫家偉一齊返公司求情，據聞再隔幾日，大孖再單拖返去死𦧲樂易玲，又喊又發誓用苦肉計，不過樂大媽又好受喎！最新決定俾多次機會佢，續約有望！
大難不死，都未必有福享㗎！話說星夢揸弗人何哲圖同戲劇部珍姐曾勵珍都唔妥大孖，講到明唔會用佢㗎！
天生有鋪溝女癮嘅周志文，因為懶理正印吳若希，照樣喪溝蔡思貝、劉佩玥、陳瀅同何雁詩，樂小姐為保愛將陳凱琳免受傷害，梗係要出手，再加上吳若希金手指一篤，大孖留喺大台真係冇運行。
發誓冇下次
原本上個月 10日要執包袱離開大台的周志文，早前再特登返大台向樂小姐求情。據知當日大孖一入房就喊晒口，又發誓唔會再行差踏錯，𦧲足成粒鐘，樂小姐心軟就應承畀多次機會佢囉。
不過大孖把口啷過油，搞掂樂大媽肯續約，都搞唔掂星夢話事人何哲圖同戲劇製作總監珍姐，兩人仲講明一定唔會畀機會佢㗎！明知四面受敵，據知大孖搵嚟專門接收大台棄將嘅經理人 Gary幫手，為自己鋪定後路。
上月 21日，搬到旺角火車站附近唐樓的大孖，《 FACE》問他被炒後的近況時，大孖就話：「唔回應住！（有錢交租？）生計冇問題！（因為追陳凱琳而被炒？）吓！冇聽過！」之後就話趕住去見屋企人急急腳咁走。
|
鍾意就快D Share啦！
|
|
|
