掃呢頁CODE去手機

2015年6月3日 星期三

估佢唔到 傳有 3粒睪丸 元朗街市大隻仔:估吓仲好 [FACE - 419] 大隻仔,溫家偉,MF,



16吋手臂

週日( 31日)明仔幫鋪頭送貨,推住 14板凍肉仍然面不改容,普通人相信未必推得咁自如。

真面目

估佢唔到 傳有 3粒睪丸 元朗街市大隻仔:估吓仲好

上週在網絡瘋傳的元朗街市大隻仔推凍肉車送貨相,足足一星期仍然在討論區被熱烈討論中,上週本刊終與男神做埋身訪問,聞名不如見面, 16吋手臂唔講得笑。

21歲叫明仔的街市大隻仔,人紅是非多,唔係明星都一樣有傳聞。網上就傳出明仔天生異稟,除了操肌比常人快見效果之外,性慾仲強過一般男人,更有傳他有三粒睪丸!不過 21歲明仔統統一笑置之,神回本刊:「由得啲人估估吓仲好啦,有時有啲嘢未必一定要答案嘅!」







近月各區街市好旺場,除咗真係有鮮肉買,還有不少「小鮮肉」(網路語言,指年齡在 12至 25歲之間,長相俊俏的新生代男偶像)!

facebook上有唔少明仔騷肌相,有網民更大爆明仔有 3粒睪丸,不過明仔就叫人「估吓仲好!」唔通……網上圖片

雖然手推車上已經冇貨,不過一對 16吋嘅手臂仍然發揮緊作用。

上週就係呢張相先喺網上瘋傳,由於身形實在太爆太震撼,被起底在所難免。網上圖片

下次着番衫

在元朗合益街市凍肉檔幫舅父睇檔兼送貨的明仔,上週在街市附近被市民野生捕獲,相片放上網後即被瘋傳,令唔少男女都流晒口水。 21歲的明仔已報名今年 8月的健美先生比賽,近月開始地獄式訓練,為健美生涯打響頭炮。

明仔接受本刊訪問,直言:「冇諗過會俾人偷影,不過又無咩嘅!下次都係着番衫!」手臂有 16吋粗的明仔,報導出街後即有口痕友在討論區留言,指明仔四圍溝女,而且天生異稟有三粒睪丸,以為正為「收水」而淨飲奶粉食雞肉的明仔會大動肝火,點知佢輕鬆回應:「由得啲人估估吓仲好啦,有時有啲嘢未必一定要答案嘅!」

女友曝光

與中學同學盈影拍拖 4年,感情穩定,不過明仔與家人關係勁好,未有買樓打算,盈影亦唔介意同未來奶奶住埋!

明仔同屋企人關係密切, facebook上見到唔少佢同女友仲有家人嘅合照。網上圖片

揸寶馬

屋企人做生意,明仔多以寶馬代步,不過明仔笑住話架車係屋企人嘅!網上圖片

冇諗過買樓

最近大劉仔劉鳴煒教𡃁仔月儲 3千買樓,明仔又有冇買樓打算?「未諗呢啲喎,同屋企人住得好哋哋,無諗過要分開住,唔想搵阿媽食飯要走嚟走去。」坐在明仔身邊、拍拖 4年的女友盈影亦表示唔介意同奶奶同住。

據知 21歲明仔出身中產家庭,屋企人做生意揸寶馬,無家庭負擔,又有固定女友在身邊支持,加上天生異稟,嚟緊健美先生比賽,他說將以平常心應賽。再問他想唔想做明星,明仔話:「如果有呢個機會就會把握,冇咪繼續咁樣生活囉!」睇嚟大隻男神好快可以衝出街市喎!

細個係肥仔一名,為咗貪靚貪有型,中五開始操肌做 gym,終練成大部分男人都羨慕嘅身形。

中學時期初操肌,雖然冇今時今日咁大隻,但已經搣甩肥仔呢個名。網上圖片

街市尋寶

近排興喺街市尋寶,除咗食得嘅,仲有唔少睇得嘅!好似台北東門嘅「豬肉公主」、東湖「涼糕男神」等。香港都有㗎!除咗明仔之外,搵住 2男 1女止住渴先!

上水石湖墟「榴槤公主」

網上圖片

因為媽媽受傷而遠路由澳洲返港接手生果檔的「榴槤公主」,已經喺石湖墟打躉兩、三年,近年肥咗少少,但網民就大讚佢以前好有 OL feel,仲讚佢係師奶版揚怡添!

灣仔街市豬肉仔

《蘋果日報》圖片

街市佬年輕化, 22歲嘅賴志寬有潮鋪 sales唔做,去年選擇同屋企人一齊斬豬肉。「我怕乜講,話唔定我搵錢多過你。」被媽媽踢爆切肉功夫未到家,但阿寬自信說:「豬肉佬唔會差過 sales」。

牛頭角腹肌生果佬

13年被網民野生捕獲的生果男 Felix,今年已 28歲,閒時幫屋企人喺街邊生果檔做生意,無跟教練全靠睇書學健身嘅佢,終極目標係權相佑、郭富城咁嘅身形喎!

鍾意就快D Share啦!