莊士集團太子爺莊家彬同傅明憲（GiGi）嘅9年「姊弟戀」，經過無數風風雨雨，最後都係分手收場，對於呢段9年情，莊家彬一直都好低調，冇直接承認，亦一直有傳莊家唔鍾意傅明憲，仲以經濟手段迫莊家彬同GiGi分手。
今日就有周刊爆料，莊家彬同GiGi分手嘅主因，竟然係新歡程新惠(Grace)設局，而程新惠仲被指唔係第一次做第三者，好少接受訪問嘅莊家彬，為咗新歡十分罕有接受本報訪問，可見其地位十分重要。
莊家彬回覆本報直認戀情，話只係剛同Grace開始，又話今年3月之前已同GiGi分咗手:「同Grace唔係舊年8月開始，拍咗3個月拖。」起初記者到佢點解同GiGi分手，佢唔肯講，又強調自己冇一腳踏兩船，屋企方面嘅嘢亦都唔想回應，但o依家見到周刊講到件事咁誇張，先回應咁多。
再追問同GiGi分手原因，莊家彬話:「都係家庭壓力，相處咁多年，努力過都係解決唔到，自己當然係認真，如果唔係都唔會拍9年，我唔會一腳踏兩船。」
莊家彬新女友Grace好多傳聞，報道話佢唔係第一次做第3者，傳佢迫台灣藝人吳宗憲離婚，莊家彬就為女友抱不平:「之前件事(指做第3者)一定唔係，佢之前個男友我都識，大家係好朋友，我同Grace係工作上合作，06、07年已經認識。」問到迫吳宗憲離婚?莊家彬話:「當然知唔係，你知憲哥幾惹火，同佢一齊啲女仔都會傳緋聞，一定唔係，我唔係第一日識Grace。」而據知Grace嘅前男友就係湯臣集團太子爺湯子嘉，佢亦真係莊家彬好友。
講到報道話莊家彬提供月租6萬嘅陽明山莊「包養」Grace，莊家彬就話:「包養呢個我梗係冇，我未結婚又後生，唔使包養，唔應該用呢個字。」咁層樓係Grace自己租?莊家彬就話係。
|
鍾意就快D Share啦！
|
|
|
