掃呢頁CODE去手機

2015年6月3日 星期三

難捨難離 搵姊妹掩護 鄭嘉穎夾陳凱琳上車 [FACE - 419] 凱琳,鄭嘉穎,嘉穎,陳凱琳,MF,



食餐飯都飲到面紅紅,夾咗陳凱琳同車的鄭嘉穎,都仲要玩避忌,一前一後坐,仲有成班好姊妹在後排添!

真面目

難捨難離 搵姊妹掩護 鄭嘉穎夾陳凱琳上車

拍足 5個月,大台劇《殭》終於拍完。對足近半年,又有得出埠去荷蘭咁浪漫,鄭嘉穎同陳凱琳感情極速升溫!

週日( 31日)搞煞科宴,男女主角齊齊出現,雖然兩人前後腳到場,又盡量刻意唔埋身接觸,但 45歲鄭嘉穎兩杯到肚後開始忍唔住,臨走前捉住女神密斟,更夾佢上車趕下場。

不過陳凱琳始終係大台力捧新女神,父女戀唔可以太張揚。要爭取時間同車出入,咪焗住借班好姊妹過橋囉!

23歲陳凱琳 13年成為港姐冠軍後,備受大台力捧劇接劇,學歷高家底厚,加上高䠷身形同精緻五官,出道冇耐已經成為新一代女神。

通水點走

煞科宴尾聲,嘉穎已急不及待叫定陳凱琳陣間上佢架車。

趁影大合照時人多混亂,嘉穎又借啲意同女友吹水。

記者叫兩人合照,一向 cool爆的嘉穎即刻露出心心眼!

陳嘉寶、何雁詩護駕

有傳陳凱琳拍《殭》期間被同劇三男力追,最後竟然係 45歲鄭嘉穎跑出!不過兩人相差 22年,據知女家嫌棄嘉穎老,情史又一大堆,所以極力反對父女戀,陳母更貼身跟埋囡囡過荷蘭拍劇,免得父女戀有機會升溫。

拍完劇冇得日對夜對,嘉穎惟有趁煞科宴盡地一煲。週日( 31日),一班演員去灣仔食飯,陳凱琳與陳嘉寶 Anjaylia、何雁詩等全女班先到場,嘉穎之後自己上樓。當晚剃晒鬚的嘉穎,一身牛仔褲白波鞋青春打扮,明顯刻意襯番細 22年嘅女神。

4月時拍咀嘴戲,陳凱琳錫到瞇晒眼,不知幾冧!

酒後勁主動

上月出發往荷蘭拍外景,在機場專登扮 cool唔理陳凱琳,今次風水輪流轉,嘉穎成晚都要主動搵機會埋身。等足成餐飯,飲到面紅紅的嘉穎終在尾聲出擊,趁冇人留意行去陳凱琳身邊,指手畫腳叫佢陣間坐自己架車去唱 K,成功夾女上車!

其實自從傳出陳家唔鍾意鄭嘉穎後,陳凱琳開始變得避忌,受訪時刻意將戀情低調,亦只以好朋友相稱,「呢排冇見面,啱啱喺加拿大返,所以唔知佢剃咗鬚!(幾時公開關係?)大家都係好朋友。(會唔會單獨出街食飯?)都可以,不過大家各自忙緊其他嘢,仲未約。」話晒大台睇得咁緊,有米老豆又唔多 like,陳凱琳應付父女戀,都係低調啲好!

送埋返屋企

玩到凌晨 2點半,家教甚嚴的陳凱琳獨自返回九龍塘豪宅,冇得同嘉穎過夜。

面都紅晒

到卡拉 OK時,嘉穎見有記者在場,即一支箭行先唔等人。

滿場飛的陳凱琳,主動捉住謝安琪自拍。

影大合照時,陳凱琳借班姊妹過橋,唔肯黐住嘉穎。

年紀大? So What?

鄭嘉穎同陳凱琳相差 22年,聽落好似唔多可能拍得成拖,但其實年齡的確唔係問題,圈中唔少忘年父女戀都開花結果㗎!

魏駿傑 20年

圖片

同滕麗名 07年分手後,極速娶比他年輕 20年的重慶學生張利華,兩人育有一女,近日傳出張利華背夫密會單車手鄧宏業,令婚姻亮紅燈。

林建名 51年

《蘋果日報》圖片

去年傳出何傲兒與林建名的爺孫戀,何雖以契爺稱呼對方,不過兩人關係曖昧,何約滿大台後即簽約林旗下的大名娛樂,林更曾因何傲兒唔聽電話而落淚。

劉詩昆 36年

《蘋果日報》圖片

鋼琴大師劉詩昆今年初宣布與女徒弟孫穎的戀情,兩人年紀相差 36年,但無阻溝通,孫穎剛與劉詩昆慶祝 76歲生日,又自爆男友會日打 50個電話俾佢。

鍾意就快D Share啦!