2015年8月1日 星期六

(1)麥明詩嫌李思捷老 唔受溝 思捷,麥明詩,李思捷,



今屆候選港姐前晚獲邀為《今晚睇李》擔任嘉賓,雖然主持李思捷冧女有一手,惟「十優狀元」(1)麥明詩揚言與對方唔過電,更向思捷大派檸檬:「我哋年紀相差咁大。」未傳緋聞已劃清界線!

麥明詩揚言與李思捷年齡相差太大,不會過電。

李思捷

龐卓欣不介意公開戀情,愛得大方。

楊苡汶因睡眠不足,搞到額頭爆瘡!

林凱恩(左) 與吳佩欣受訪,有講有笑。

候選港姐前晚錄影節目《今晚睇李》。

前晚《2015香港小姐競選》一眾候選佳麗在將軍澳電視城錄影節目《今晚睇李》,面對主持李思捷的尖銳問題,大熱門(1)麥明詩(Louisa)果然係「十優狀元」,轉數快地笑言會「沉默是金」:「我會用『沉默是金』應對,我諗佢都會就住我哋。」談到會否擔心冧女無數的思捷向她發動追求攻勢?她即請思捷食檸檬:「唔會我哋年紀相差咁大。(鄭嘉穎都係同陳凱琳拍拖?)聽講思捷都有幾個緋聞女友,應該冇咁多空餘時間。」

龐卓欣拍拖見得光

提到(4)龐卓欣(Ada)高調拖男友行街,Louisa力撐對方:「佢一向冇話避忌,有男朋友係正常,咁青春唔出奇。」惟問到她有否男友,她大賣關子:「唔知呢,呢啲好私人問題,遲啲大家就知,哈哈!」更稱有男友都會選擇陪家人。

至於被本報拍得冧爆會男友的Ada,透露與男友Solomon拍拖兩年,認為毋須為參選收埋戀情:「佢係我男朋友,情侶攬吓、拖吓手係應該嘅,同埋拍拖我都係講真實啫!大家係真感情,唔講反而好似唔尊重男朋友。」她又指大會沒有規定不准拍拖:「自己對私人生活一向都唔介意公開,因為冇乜嘢唔見得光。」更笑稱男友因獲讚而感開心:「報道讚佢大隻,話佢似消防員,又話佢似韓國人,讚佢咪開心番。」

林凱恩自認「港女」

(5)林凱恩(Iris)表示錄影《今晚睇李》對一眾港姐是考驗,笑言可以讓觀眾看到港姐有別於平時「港女」一面:「我喺香港出世,當然係『港女』,自己有時似男仔,一時又似女仔。」談到Ada高調拍拖,(7)吳佩欣(Sylvia)覺得她與男友很Sweet,亦替她獲男友支持參選開心,但她則不覺得自己是「港女」,只是性格男仔頭。而(11)楊苡汶被發現額頭爆瘡,她指正如火如荼地準備才藝表演,所以有點睡眠不足,但尚算應付到。

麥明詩揚言與李思捷年齡相差太大,不會過電。

李思捷

龐卓欣不介意公開戀情,愛得大方。

楊苡汶因睡眠不足,搞到額頭爆瘡!

林凱恩(左) 與吳佩欣受訪,有講有笑。

候選港姐前晚錄影節目《今晚睇李》。

鍾意就快D Share啦!
Related Posts Plugin for WordPress, Blogger...