掃呢頁CODE去手機

2015年8月19日 星期三

《愛‧回家2》收視差或腰斬 黃翠如原來係客串… 翠如,黃翠如,





其他影片:>>






港視劇集《三面形醫》製作認真,無奈,因為冇牌,亦改變不了觀眾睇電視的習慣,故即使如何認真,仍難突破收視困局,故雖然編審落足心機喺大結局留伏線開season 2,仍難如願。(新聞連結: http://bit.ly/1E0tt4q )

港視暫時開劇無期,但無綫處境劇《愛.回家》,開了Season 2,換走了「馬家」,律師樓「被失蹤」,換湯不換藥希望箍住一眾追看開嘅觀眾,但師奶fans似乎不太接受,收視一直下滑,由上月首播錄得25點(162萬人次)收看,跌到本月初(截至本月7日)得21點(136萬人次),而且只怕低處未算低。

不少觀眾對馬家有深厚感情,每次睇感覺真係好似「回家」咁,依家Season 2「冇晒屋企人」,但大部份面孔都係陌生——除咗張繼聰同黃翠如之外。今日有周刊爆料,指《愛‧回家》Season 2收視若持續下跌,半年後將會腰斬。

查實今次拍Season 2,黃翠如同張繼聰真係啞子吃黃蓮,純屬捱義氣。本報收到消息,指無綫解散馬家後,搵來兩人撐場,但佢哋只係「短暫」加入兩個月——即係客串。張繼聰有新劇開,一開始已講明唔會長拍,佢同黃翠如喺season 2嘅戲份亦已經拍晒。

點解話捱義氣?因為咁樣客串做主角,只係幫套劇,無助人氣;而且換血後如果觀眾唔buy,罪在聰哥同翠如身,故此今次黃翠如都係「執三攤」——因為岑麗香同徐子珊都唔拍。加上依家佢喺《超強選擇1分鐘》做主持備受批評,觀眾睇完8點檔鬧完10點半再鬧,真係慘慘豬。

報道就話無綫依家諗住搵馬家救亡,可惜演員已各散東西,最快11月才有機會歸位。咁播多一個禮拜、張繼聰同黃翠如嘅戲份完晒之後點算?據聞稍後發展多條支線,有麥長青開海味舖,又有龔嘉欣、何君誠同張振朗嘅三角戀發展。能否起死回生,睇天。

張繼聰加黃翠如再加海味,能否起死回生,睇天。 TVB官網圖片 TVB官網圖片 翠如BB播多一個禮拜左右,佢喺《愛‧回家》season 2嘅戲份就完。 TVB官網圖片
TVB官網圖片 又係麥長青?佢家陣喺《樓奴》已經擔大旗喇!
鍾意就快D Share啦!