2015年8月1日 星期六

無綫播六合彩用新女 棄用35年主題曲 六合彩,無綫,





其他影片:>>






亞視噚晚直播完第88期期六合彩之後,已經完成歷史任務,由聽晚開始交由無綫J2台播出,一簽就簽五年合約,屆時大家睇六合彩攪珠嘅習慣將要改變。

六合彩攪珠改喺無綫直播,但暫時就冇無綫藝人主持,點解?本報收到消息,指有反賭博團體向馬會投訴,話無綫藝人係年輕人偶像,由呢班藝人主持六合彩嘅話,會變相鼓吹賭風,所以極力提出抗議。

有指馬會喺呢個過渡期,會用番馬會委派嘅主持人主持,做一個月左右,據知佢個名叫做蔡運華,係舞台劇演員,曾奪2013年藝術新秀獎。不過蔡運華主持至9月就會搵番早前本報披露嘅無綫藝人、即落選國際中華小姐范文雅,同藝員訓練班嘅吳珮如任主持。(新聞連結: http://bit.ly/1OEKlxC )

馬會發言人亦承認,聽晚唔會由無綫藝人主持。至於是否因接受團體投訴,發言人就表示唔評論。

其實唔單止大家聽日睇六合彩嘅時候會覺得生面口,唔似以前六合彩之子蔡國威咁有親切感,而且大家聽慣咗前後合共35年嘅六合彩主題音樂,都會改頭換面、重新編曲,同大家咁多年聽開嘅完全唔同。

過往亞視播開嗰首六合彩主題音樂,係嚟自荷蘭樂隊Shocking Blue喺1972年嘅作品《Inkpot》,亞視由1976年7月13號首播六合彩以嚟,都係沿用呢首音樂,除咗無綫喺1997年7月5號至2001年6月28號播六合彩呢4年期間,用咗另一首音樂做主題曲之外,亞視接手播番六合彩,都係用《Inkpot》嘅曲。

依家改朝換代,無綫聽晚播六合彩,雖然都會用番《Inkpot》,但因為之前個版本係亞視混音,無綫唔用得,亦唔想用,所以已經搵人重新將首音樂做過mixing。噚晚J2台播宣傳片嗰陣,已經率先試聽,聽落好電子音樂feel,鍾唔鍾意真係見仁見智喇!

(設計圖片) (蔡運華微博圖片) (蔡運華微博圖片)
(蔡運華微博圖片)
鍾意就快D Share啦!
Related Posts Plugin for WordPress, Blogger...