掃呢頁CODE去手機

2015年8月9日 星期日

進擊的臉堅尼 赤柱泳客:想靚無法 政治時事,





其他影片:>>






赤柱正灘及深水灣泳灘均有市民戴臉堅尼游泳。(梁瑞帆攝)

想睇最新消息? 即時follow【現場-蘋果突發】fb!http://fb.com/applecitycrime

本港夏天近年熱到爆炸,要同陽光玩遊戲,又怕曬黑,女士們出盡法寶,記者直擊港島赤柱正灘及深水灣泳灘有約十名女泳客自製頭套防曬,情景尤如在海中「敷面膜」。她們有人稱使用自製頭套已近十年,比三年前因內地大媽熱捧而出現「臉堅尼」(Facekini)熱潮來還要早,有好心泳客更公諸同好,僅以數十元出售自製頭套予其他泳客「分享」。但亦有用家坦言,戴頭套游泳其實不舒服,但為貪靚無辦法!

記者 張珮琪 梁瑞帆

清晨6時的赤柱正灘泳灘,太陽徐徐升起,陽光直射海面,數十名巿民游早水。自稱已戴臉堅尼十年的61歲歡姨如常到場,她戴着灰色頭套泳帽,還有鴨舌遮陰、長袖防曬泳衣及白色手套落水,游了一小時。她直言不喜歡曬黑,所以自製防曬頭套,「我喺度游咗廿年,我戴咗十年,可以防曬,戴咗舒服啲,落咗水唔焗,額頭遮蔭係新設計,唔係好貴,人哋要咪整畀佢囉。」

歡姨還得意道:「啲人唔知我日日游水!」她承認當時有人說她誇張又奇怪,但她不介意,慢慢其他人已習慣,近年更有泳客向她購買。娟姨約兩年前以30元向歡姨買入一個自製頭套,她說:「嚟呢個灘(赤柱)先戴啫!梗係好用」她表示,除了防曬,還可避免被水滋螫咬,否則又痕又痛。泳客楊小姐早前亦在更衣室以40元購買別人轉讓的頭套,「曬咪戴囉,唔會好焗。」

在深水灣泳灘游早水已6年的曾太,亦是其中一名自製臉堅尼的泳客,她將泳帽剪出雙眼、鼻及嘴四個孔做頭套:「我見有人戴,我自己又曬到黑,不如試下咁樣,戴咗4、5年。她更戴上長手套,只露出肩膊及上臂,她笑言即使肩臂曬黑也不易被人察覺,「最緊要塊臉!」

泳客馮太則以沒用的泳衣裙縫合出頭套,「用咗好多年,我游咗好多年水,初時冇斑㗎,但愈嚟愈多斑,我貪靚遮住個臉,着埋防曬衫褲,變咗冇咁黑,唔會有斑。」她坦言戴頭套游水並不舒服,但要靚無辦法。其實,泳灘上有泳客雖然沒戴臉堅尼,但亦會戴太陽帽遮擋陽光。

有中年女士怕曬黑而戴臉堅尼,但亦有不少泳客堅拒佩戴,因不欲變「幪面超人」,盧太稱:「我唔戴,我唔怕曬!」唐太亦說:「我嚟得游我都唔怕曬」18歲姚小姐說:「就算我自己去沙灘,我都冇搽防曬,我真係冇見過(臉堅尼),如果咁樣好驚、好恐怖,搽普通防曬已經有足夠保護,咁樣真係好誇張,咁不如唔好去沙灘!」她恐臉堅尼會嚇怕小朋友。19歲朱小姐謂怕熱及不舒適,不會戴臉堅尼。泳客羅先生笑言,戴頭套游泳的蒙面造型恐怖,且不舒服,阻礙游泳。

鍾意就快D Share啦!