掃呢頁CODE去手機

2015年8月6日 星期四

貨櫃埋牙  Jessica C.安志杰啜到嘭嘭聲 [壹週刊 - 1326] 安志杰,Jessica,Jessica C,M1,



探熱針

貨櫃埋牙  Jessica C.安志杰啜到嘭嘭聲

同謝婷婷甩拖後,安志杰去年底即被警鐘胸 Jessica C.生擒,拍拖一個月火速同居,愛得癡纏,見少陣都唔得。

上週三( 29/7),安志杰在貨櫃碼頭為電影《潛龍狙擊》開工,本刊潛入現場,竟發現安志杰與 Jessica C.匿埋貨櫃𠵱挹,胸壓再摸胸錫頸,啜爆有聲!真人騷立即上演。

分開三個月

安志杰忙為新片《潛龍狙擊》趕工,女友 Jessica C.則要到橫店拍劇三個月,要分隔兩地,出發北上當日(七月二十九日), Jessica C.爭取纏綿時間,人肉速遞到片場。

「 JC接咗湖南衞視套電視劇一人分飾兩角,要喺橫店留三個月,本來佢都一齊接咗《潛龍狙擊》,後來因為要返大陸拍劇,就唔到期先推咗,但 JC同監製 Charlie(黃永峰)好老友,都幫手客串幾場戲,嗰日(出發橫店當日)喺貨櫃碼頭拍外景, JC都有份,但同安志杰冇對手戲,冇同場。」一名工作人員說。

挨住玩自拍

晨早八點, Jessica C.開始埋位,放午飯時,未有與其他演員一齊食飯盒的她坐埋一邊做「望夫石」。

下午一點,短褲背心踢拖的安志杰到場,見到男友, Jessica C.開心到彈起身,第一時間衝埋身邊,氹得安志杰笑晒;其間 Jessica C.拎出手機,多角度幫男友影相,又挨埋一齊玩自拍,十足𡃁仔𡃁妹初戀一樣。

之後發現記者,纏綿男女才稍有避忌,安志杰坐在貨櫃頂睇劇本, Jessica C.則在另一貨櫃行來行去,一高一低,隔空傾偈。

安志杰與 Jessica C.本來掛住玩自拍,發現記者後,兩人分開企,一高一低照樣傾偈。

啜爆有聲

伍允龍是《潛龍狙擊》的武術指導兼演員,很多動作都由他設計。未埋位時,他會親自示範,表現專業。

拍攝當日,原本三十四度高溫陽光普照,忽然落起大雨,安志杰與 Jessica C.即時匿入其中一個搭咗景的貨櫃中避雨,貨櫃內沒有照明,只有微光從外面滲入,氣氛助燃二人慾火,就算有工作人員經過,熱血氣盛的安志杰亦唔理,開始對警鐘胸有所動作,由頭髮摸到臉頰,然後深情對望,跟住埋牙就嘴,肉緊啜到嘭嘭聲,二人完全忘我,無視躲在木板後的工作人員。

搞到㷫烚烚

Jessica C.全天候在片場陪男友,二人如連體嬰一樣,幸好伍允龍與他們稔熟,早已做慣二人的電燈膽。

男友㷫烚烚, Jessica C.冇即時救火,更火上加油,企起身從後熊抱安志杰,將警鐘胸深壓到對方背上,又用手幫男友按摩肩頸,手胸並用之餘,開始錫頸,再整個人挨落去雙手掃住男友的岩石胸,誘惑挑逗,安志杰實在忍無可忍,就算明知工作人員會進出貨櫃,也照擰轉身同女友攬到實,將岩石胸黐實警鐘胸。直至開始多人出入, Jessica C.才坐回原位,降一降溫。

難捨難離

點知分開唔夠一陣,兩人互望多幾眼又再嚟料!只見安志杰踎低含情脈脈, Jessica C.則用雙手搭住男友肩膊,再加送勁 watt數電眼,最後安志杰輕輕𢭃吓她的下巴,溫柔滅火;在場修理電源的工作人員壇數高,乜都當睇唔到,直到監製出現,才正式打斷這場纏綿遊戲。

跟場退韓妹

Jessica C.冇期做女主角,改由韓國四人女子組合 Miss A成員之一的孟佳接棒,與安志杰同場對手當日, Jessica C.全程做跟得女友,無論埋位還是休息,都一定喺左近,搞到對方也不敢與安志杰接觸,免得 Jessica C.呷醋。

韓國女子組合 Miss A很受歡迎,唱而優則演的她們,今次只得孟佳一人參演《潛龍狙擊》。

孟佳首次參演香港製作的電影,飾演狙擊手的她,感到很刺激。

慾火焚城

熱戀男女情不自禁,正常!即使有頭有面有人識,為求一時之快,當眾慾火街頭。

孫佳君  Oliver

年屆 40的孫佳君,依然追求激情,與星級法國大廚 Oliver慾火四濺,公然在露天餐廳親熱,啜錫摸伸脷舐耳樣樣做齊,十足人肉鐵板燒。

曾國祥 王敏奕

M club妹王敏奕馴服曾國祥後,兩人經常黐到實;拍拖去沙灘曬太陽,當眾邊行邊啜,女方出盡嗲功火辣辣。

李思捷 陳雅倫

玩姊弟戀!兩個孖住去完派對,借啲酒意慾火攻心,返歸途中,二人將的士當時鐘酒店,十分鐘車程狂啜繼而女方再擒上身,車廂纏綿,搞到司機兜錯路。

撰文、攝影、攝錄:娛樂組

nextb@nextmedia.com

鍾意就快D Share啦!