掃呢頁CODE去手機

2015年10月13日 星期二

效力無綫逾廿年 王維德離巢:心灰意冷 無綫,



效力大台超過二十年,由後生仔撈到0依家嘅王維德,原來最近正式跟大台結束賓主關係,轉簽一間製作公司,明年初會舉行演唱會,稍後仲會接電影。

今日王維德去新城接受訪問,佢坦言舊公司嘅發展空間唔多,可能每年有份試鏡或演出都係得兩套劇左右,佢話:「其實喺公司有戲拍已經好開心,但發展機會唔大,不如出去外面試下,或者將來有機會再返嚟。」

王維德係東華卡拉之星台柱,大家仲記得佢表演手語歌,呢個亦都係觀眾每年追睇東華嘅動力(仲有王俊棠、魯振順,仲有家燕姐嘅「十字步」),而嗰幾分鐘演出,亦都係王維德每年最有滿足感同開心時候,而舊年薛家燕同王祖藍搵佢演扮嘢節目,都係近年最開心階段。

眼見唔少新人機會比自己多,而本身能力又唔係勝任不到卻冇機會,佢話:「有時都反省自己,我演戲、外形同條件,有啲角色要做手語,公司都係叫我幫手,但係嗰個年齡層係啱我,都會有唔開心。」

佢亦承認做到有心灰意冷同懷才不遇感覺,原來佢早前曾經去過馬來西亞發展,拍過一、兩套劇,當時反應好好,當地製作單位有意簽佢,不過佢又唔忿氣,想返嚟大台再闖,到今日佢決定要走出去,嘗試下自己能力。

王維德12年着狂野窄身褲演出,籌到6萬元呀﹗(資料圖片) (資料圖片) (資料圖片)
歡樂滿東華2010 (資料圖片) (資料圖片) (資料圖片)
(資料圖片) 2005卡拉之星大唱遊(資料圖片)
王維德原來效力無綫逾20年,但都係離巢外闖。
鍾意就快D Share啦!