掃呢頁CODE去手機

2015年10月22日 星期四

從身出發  JW瘦人唔瘦胸 [壹週刊 - 1337] JW,M1,



探熱針

從身出發  JW瘦人唔瘦胸

同大台無綫一樣,黎明揸旗的 A Music,由人才濟濟到逃亡潮,四個字:咎由自取!曾是黎明愛將的 JW(王灝兒),去年提早解約走人後,過檔「 SunnyIdea」做樂隊「野佬」小師妹,轉會新歌《矛盾》即將面世,唔想學似舊同門衞蘭肥過部電單車, JW狂做運動剷走贅肉,從「身」出發。

張家輝胡定欣都玩

因為生得細粒,望落有啲肥嘅 JW(王灝兒),經歷黎明五年「隱世」栽培,轉會後實行從「身」出發,在 Instagram po比堅尼相,瘦咗但又「 big」爆身材,引來網民俾 like,鬼妹 JW老實唔客氣,留言:「 I have to say I am quite proud of my gym body.」

上週四(十月十五日),本刊記者跟埋 JW去做 gym,要由內至外都 perfect的她,早在一年前,開始接受教練 Ella特訓。

去到健身室, JW先拉筋踢腿 warm up十五分鐘,才開始做器械,穿上背心上圍澎湃的她,做足一個鐘先肯停!

玩完健身球,又攞住張家輝做 adidas代言用嚟操肌的 ViPR(火箭筒),鍛鍊肌肉線條,唔好睇小佢,胡定欣身上兩條馬甲線,都係靠 ViPR操出來。

之後做埋拉沙包同半踎 fing戰繩, JW全程挺實收腹,無論幾難頂,都咬緊牙關頂硬上,谷到面都紅晒!

半踎玩戰繩, JW要不停做出上下交叉、左右交叉等動作,非常消耗體力。

JW一星期 keep住做三次訓練,她攞的器械叫 ViPR,有助操靚肌肉線條。

對黎明心存感激

專人訓練, JW打造出「女人最愛」,人瘦唔跌 cup。

「上圍冇縮到呀!但身體健康咗,性感 OK㗎,因為 firm晒!初初做 gym會著大 T恤,後來開始瘦,個人自信咗,就愈著愈少,其實最緊要健康同開心,現階段嚟講,對自己 body都開始好滿意!

「不過我太鍾意食嘢,嚟緊派歌有好多宣傳,我要密啲搵 Ella(教練)救命!其實依家一星期都 keep住做三次訓練,對我唱歌都好有幫助!」 JW說。

雖然同 A Music分咗手,但對舊老闆黎明, JW心存感激。

「《矛盾》係 join咗新公司後第一首派台歌,可以話係我嘅 baby,揀歌同寫詞自己都有參與,我覺得好啱二十五歲呢個年紀嘅人聽,當然,我更希望 Leon會聽到!」

JW手握 12磅壺鈴( Kettlebell)上下擺動,用以鍛鍊下半身及腰部。

自言一年前著大 T恤,如今 JW可以愈來愈少布。

跟教練做運動外, JW亦有約埋 G.E.M.等朋友一齊行山,瘦身有成績,比堅尼相不可不晒!

撰文、攝影、攝錄:娛樂組

場地提供: Phillip Wain

教練: Ella Yeung

服裝提供: Puma

nextplus.nextmedia.com

鍾意就快D Share啦!