2015年10月22日 星期四

前夫劉坤銘撐:我諗佢冇需要執 劉坤銘,





其他影片:>>






羅霖母親及前夫劉坤銘帶住個仔劉子晉出席尖沙咀一個慈善活動,同場仲錢小豪同佢13歲囝囝、謝寧等人,兩個小朋友都有上台表演。劉坤銘坐台下欣賞行Catwalk,完咗表演但囝囝唔肯合照,之後先坐番喺外婆隔離,但劉坤銘已離開。

劉坤銘接受訪問時話冇睇過個仔表演,平時假日見面都係睇戲、行街,至於讚唔讚成個仔入行,佢就話:「佢都有啲天份,幾自然,但佢仲細都唔知,睇佢自己意願。」公關話羅霖喺內地做嘢嚟唔到,劉垏銘話「應該係啩」,又表示平時好少見,只係有時接、送機見到,問到二人點樣傾囝囝嘅嘢,佢話:「由工人去傾。」

近日有雜誌報道指羅霖疑整容,最近變樣,劉坤銘被問可有覺得羅霖樣唔同咗,佢話:「差唔多,瘦咗啲。」至於睇相可覺得唔同?佢話:「靚咗啩,後生咗啩。」不過問到會唔會靚到唔認得,劉坤銘冷笑一下話:「唔會唔認得。」佢話以前羅霖都有護理皮膚,基本美容都識嘅,被問信唔信對方整容,佢話:「我諗佢冇需要執。」

更有報道話羅霖最近有兩個富商照顧,劉坤銘話對方私生活唔清楚。報道更指其中一個出錢幫手出寫真集,劉坤銘話睇過嗰本寫真。羅霖身邊一直有追求者,劉坤銘話單身就會有人追,佢自己o依家冇拍拖仍係單身,搵到合適對象唔抗拒再婚。又話就算再見羅霖唔會尷尬,始終二人係囝囝嘅父母。

羅霖被指變臉,下巴離奇激凸 (資料圖片) 劉坤銘 (攝影:王連連)
錢小豪同13歲嘅囝囝 羅霖同劉坤銘嘅兒子劉子晉 劉子晉唔肯合照
唯有同外婆合照啦
鍾意就快D Share啦!