羅霖隔空斥前夫不請自來
與前夫劉坤銘分開三年一直不相往還，為養家搵錢忙個不停的美魔女羅霖，昨日因身在泰國拍戲缺席兒子劉子晉的時裝騷而派媽媽撐場，豈料劉坤銘不請自來突襲踩場，卻與前外母同場不相見！羅霖事後回應時揚言毫不知情：「事前又唔通知聲，呢三年做所有嘢都冇講！」兩人恩怨情仇一觸即發！
羅霖不滿前夫劉坤銘到兒子劉子晉的時裝騷踩場。
劉子晉行騷時十分淡定，是模特兒可造之材。
拒絕與父親劉坤銘合照的劉子晉，開心地與外婆合照。
身在泰國拍戲的羅霖（左二），不忘品嘗當地美食。
失婚靠自己！與前夫劉坤銘分開三年的羅霖視三名兒子為命根，一直努力搵錢，希望令兒子們有更好的生活，而大仔到美國讀書，據知她已支付第一期學費達18萬元，為努力吸金，今年更以50歲之齡出寫真及接拍情慾戲，近日因要飛到泰國拍戲吸金而缺席細仔劉子晉的時裝騷。
靠律師信溝通
羅霖雖身處泰國，仍派媽媽撐場，卻冷不防前夫劉坤銘不請自來，與前外母前後腳到場兼接受訪問，和羅霖離婚後一直關係欠佳的劉坤銘，言談間提到前妻更似乎話中有話。為此，身在泰國的羅霖終不甘示弱隔空向前夫開火，揚言並無邀請前夫到場，兩人離婚後亦一直只靠家傭或律師信溝通：「知自己唔喺香港，一早安排媽咪同朋友幫手照顧（劉子晉），佢捧仔場冇所謂，但事前又唔通知聲，呢三年做所有嘢都冇講，大家有溝通過，有乜事都係由大仔同工人或律師信傳達。」
否認富商照顧
談到有傳她被富商照顧，羅霖坦言十分冤枉：「有富商照顧？根本完全唔識，如果有男友，而對方有錢又肯照顧我，我一定會公開！我唔係只向錢看，鍾意嘅男人唔一定要有錢，但真係冇呢個人嘅存在。（出入有名車接送？）我只係用電召服務Call車。呢幾年做嘢好辛苦，每日只瞓三四個鐘，今次去泰國拍戲，50歲人自知骨頭硬，仲要拍打戲，又要吊威吔，拍得辛苦！」
她更自爆有嚴重貧血要食補血藥：「去泰國前有做過Body Check，發現有幾嚴重貧血要食補血藥，如果返嚟貧血情況冇改善，要入醫院。」對於近日被指整容令下巴變尖，她說：「我之前都已經講過因為做美容代言人，所以要喺塊面度打蛋白溶線針，打完之後面形會變尖，又唔係開刀。」
文：專案組
羅霖不滿前夫劉坤銘到兒子劉子晉的時裝騷踩場。
劉子晉行騷時十分淡定，是模特兒可造之材。
拒絕與父親劉坤銘合照的劉子晉，開心地與外婆合照。
身在泰國拍戲的羅霖（左二），不忘品嘗當地美食。
|
鍾意就快D Share啦！
|
|
|
