一身街坊打扮，兩隻手拎住蛋糕，除了導彈尚在，昔日索爆的鍾麗緹已完全變成大媽。
娛樂偵訊
推《 X-Men》瘟仔 大媽鍾麗緹股災
目標明確要衝出中國的國際范（冰冰），爭崩頭拍《變種特攻：未來同盟戰》，就算只係過鏡大茄都冇所謂，偏偏鍾麗緹瘟仔大過天，被《 X-Men》𥄫中，新一集預埋佢，但為了挾實新鮮撻着的內地嫩男張倫碩，早年已經拍過西片的她，自動棄權。
話之你大片，瘟仔行先嘅鍾麗緹唔願離開北京，早前同助手現身當地的麗都酒店，𠌥低身揀蛋糕期間，不慎打出鬆泡泡的八月十五，還有兩腿一節節肥膏，超礙眼！
要挾實嫩口男友，呢雙肉腿，唔夠緊，個股更加係重災區！
大片都照推
內地電影票房郁吓手就十幾廿億，荷李活電影用國內演員，已成慣例。近年主力跑通告、出席活動的鍾麗緹，雖然已經四十五歲，但一口流利的英語，被新一集《 X-Men》鎖定，演出其中一角。
婚姻失敗再失敗，鍾麗緹冇驚過！做真人騷《如果愛》，三兩吓手勢，就同八十後的拍檔張倫碩假戲真做，火速撻着。兩人相差十二年，鍾麗緹自言無障礙。「佢唔淨係靚仔，好陽光同我一樣，鍾意做運動，好夾。」同嫩男新鮮撻着，為咗瘟仔，鍾麗緹諗都唔諗，推掉《 X-Men》角色。
「 Christy幾十歲人都冇變過，係個可以為咗愛情放棄一切嘅人。佢覺得同 Golden（張倫碩）好夾，要佢走成個月去拍戲，一定冇可能！要 mark實男友，加上兩個細女仲細，佢諗都唔諗就推咗人。」知情者說。
鬆股現形
疊埋心水拍住拖做真人騷的鍾麗緹，早前在助手陪同下，一身街坊裝現身北京麗都酒店。求其束起髮髻的她零妝下面泛油光。在餅店兜了一圈，鍾麗緹被冰櫃內的蛋糕深深吸引，一彎身，大腿近屁股的鬆肉無所遁形，再𠌥低啲，當日著連身裙褲的她，立即打出半個鬆泡泡的八月十五，但鍾麗緹卻毫無知覺，揀完蛋糕，拎住一大疊人仔去俾錢。
長居北京十二年，女神都變大媽
撰文、攝影、攝錄：娛樂組
|
鍾意就快D Share啦！
|
|
|
