2015年10月22日 星期四

老細打孖上 狂執去飯局 羅霖魔女崩壞 [壹週刊 - 1337] 羅霖,M1,



今年中羅霖剛執完,仍然 keep住靚樣,同時胸部堅挺,跟年齡成反比,力抗地心吸力。

娛頭

老細打孖上 狂執去飯局 羅霖魔女崩壞

51歲羅霖 V面、間尺鼻,美魔女得兩金主垂青,雙重照顧。老細多,要飯局應酬的她,為求再靚啲,不惜加建再加建,貪心過龍變成「危樓」,更驚現大細面、左邊臉有離奇褶位、甩下巴,大鑊!

認打蛋白針

初出道的羅霖包包面、短下巴,一臉福相。但一二年開始,進行面部重組,鼻子變成間尺鼻,包包面變 V煞面,短下巴拉長變尖,美魔女逐步成形。至於原本 34A的紙板身材,更忽然波濤胸湧變 34D。

貪靚唔心足,近年羅霖繼續改裝,刀削下巴愈變愈尖,但她否認整容,只稱是為美容院做代言人,打過蛋白溶脂針緊緻肌膚。

但有圖有真相,本刊發現羅霖經過再改造後,面容嚴重走樣!由於移位關係,下巴位似有一團增生肉,甩吓甩吓咁,非常怪相;加上明顯大細面,左邊臉更有一道離奇褶位,魔女崩壞!

膠樣崩壞,代言醫學美容的羅霖說微調唔算整容。

「如果唔係整下巴、顎骨大手術,打針縮細基本上 check唔到,就算照 X光、磁力共振都冇用。大整就個個都睇得出,如果可以提升自信心,唔係好礙眼都冇乜大礙。而家醫學昌明,變靚好簡單,有啲人中午食飯去打針,下晝就返工。」

甩下巴

近期下巴移位,搞到好似多了一團肉。

離奇褶位

左臉嘴角有奇怪褶位,極不自然。

歪面

唔只大細面,歪面情況亦嚴重。

講到驚人下巴,不得不提薛芷倫,但以羅霖的下巴走勢來說,可能好快就拍得住她。

被捧做打女

落重手 keep住靚,毋非為搵碼頭照顧,口口聲聲話想搵個膊頭挨吓的羅霖,其實已有兩個老細照顧,其中一位是逾百億身家的「拉鏈大王」熊宏海,對方更出錢幫羅霖出寫真集,又開娛樂公司讓她打骰做總監,歌影雙棲的她,近期開新戲捧自己做打女,週一(十九日),羅霖已出發到泰國,出席電影開鏡。

雖然熊宏海對羅霖照顧有加,但本刊發現她不時坐住澳門富商何尚平的坐駕出入。

何尚平名下有塑膠、鋁業和投資生意,非常有米。有兩條大水喉射住,離婚後一毫子都分唔到的羅霖,已經唔使再黐住深井娘家,月前已搬到月租四萬多的九龍塘又一居;加上細仔讀國際學校,大仔及次子要去美國升學,三個仔學費加生活費,還有周身名牌、名錶,財來有方的她,應付自如。

羅霖出席活動有兩個助手和私人攝影師跟身,認真巴閉!

雖然獲「拉鏈大王」熊宏海開娛樂公司力捧,但羅霖日常出入卻坐澳門富商何尚平的坐駕,左右逢源。

好富貴

強國富豪飯局

港澳都有富豪代表照顧,交遊廣闊的羅霖仍不時飛去上海,與其他美女一同出席飯局。

「 Candy(羅霖)差唔多每個月都飛去上海,呢排仲話自己有寫真簽名會,實情係拎啲寫真去派俾啲強國富豪。以前佢哋搬過返上海住,所以識落唔少有錢人,離婚前,已經成日扮到隻雀咁返去應酬,佢久唔久執吓,加上 keep得好,都呃到人,不過最近就真係太重手!」知情人說。

李璨琛是羅霖新片中的男角之一,提早到泰國的他,上載了在當地的生活照到個人 IG。

本月十九日(星期一),羅霖乘早機到曼谷,準備為飾演打女的電影開工。

挾着「美魔女」之稱的羅霖很受男士歡迎,不少商界飯局都會邀請她助陣,令她有不同途徑接觸不少隱形富商。

雖然已是三子之母,但羅霖的身形仍 keep得甚好,今年她以半百之齡出寫真集《 Timeless》,宣傳時曾自爆有富商向她提出包養。

○七年,羅霖與老公劉坤銘到影樓拍全家福,當時仍會咧嘴大笑露牙肉的她,竟有幾分稚氣。

一二年十月,當時婚姻已亮紅燈的羅霖,曾被拍下以一身戰鬥格打扮現身北京夜店,玩到凌晨五點。

變形魔女

亞姐冠軍羅霖初出道時包包面短下巴,不算極省鏡,但被讚高貴福氣樣。 12年傳婚變開始,幾年間羅霖愈變愈標青,差不多面目全非。

02年短下巴闊面

闊面冇下巴,輪廓不突出。

12年變瓜子面

漸變成瓜子面,鼻子纖巧起來。

15年 V煞尖下巴

變成 V煞面和巫婆下巴,跟從前是兩個樣。

走火入魔

貪靚是天性,特別娛樂圈靠面口搵食,藝人為了變靚啲各出奇謀,但整上癮會愈來愈重手,變成走火入魔。

裕美  V煞面

04年入行的裕美,入行時 pizza面走㗎妹可愛路線, 13年與圈外男友林浩恩結婚一度淡出。今年再復出,裕美突然變 V煞面,兩邊腮骨離奇消失,激似林夏薇。

楊怡 木偶鼻

原本就唔係扁鼻妹的楊怡, 09年開始被發現鼻子愈變愈長,有時候又會突然變高,因而被笑稱「木偶鼻」。

楊秀惠 歪面

04年入行的楊秀惠天生包包面, 09年忽然變成大細面,笑起上來塊面更會歪晒,有指當時楊秀惠打 Botox太重手,加上又成日搽瘦面膏,結果花咗幾年才回復正常。

撰文、攝影、攝錄:娛樂組

鍾意就快D Share啦!