掃呢頁CODE去手機

2015年11月30日 星期一

【無綫又要威...】Youtuber「寸阿姐唱歌難聽」 TVB嫌太X街 成段剪走 __,阿姐,無綫,TVB,汪明荃,

大台一向被網民寸爆TVB製作,又暗諷TVB係「方丈」,之但係今晚就播出節目《網絡挑機》,話就話邀請咗司徒夾帶、Ming仔、Eminleo、Ronnie、MissHunny、伍公子、恆仔、薑檸樂、Kibi等網絡紅人及Youtuber上去,以真人騷方式俾佢哋分組自由拍片,仲喺mytv網寫明畀佢哋向主流媒體「挑機」、又話任由網絡紅人喺大氣電波提出不滿,放手俾佢哋做「話事人」﹗嘩﹗你又信唔信?講呢就係咁講 ...


大台一向被網民寸爆TVB製作,又暗諷TVB係「方丈」,之但係今晚就播出節目《網絡挑機》,話就話邀請咗司徒夾帶、Ming仔、Eminleo、Ronnie、Miss Hunny、伍公子、恆仔、薑檸樂、Kibi等網絡紅人及Youtuber上去,以真人騷方式俾佢哋分組自由拍片,仲喺mytv網寫明畀佢哋向主流媒體「挑機」、又話任由網絡紅人喺大氣電波提出不滿,放手俾佢哋做「話事人」﹗嘩﹗你又信唔信?

講呢就係咁講,不過有份上節目嘅伍公子,今日凌晨就喺facebook狂轟該節目,並留言叫大家唔好睇:「今晚節目就出街,我再次呼籲各位唔好睇。原因有好多,我亦懶得剖析太多,以下分享一個故事。」

網絡紅人伍公子(伍文岍)表示,一開始錄節目時,佢就問監製:「你個節目到底想點?」監製同佢話:「我要個節目爆。」咁開鏡嗰陣,佢寸阿姐(汪明荃)唱歌好X難聽,後嚟聽講啲Focus Group睇到都話大快人心,不過TVB就話我太X街,成段剪走晒。

伍公子又聲稱網絡紅人檸樂同Kibi都上咗一集《今晚睇李》做嘉賓,李思捷笑X佢哋衣着寒酸,又話佢哋無創意,伍公子更指,李思捷見檸樂同Kibi唔出聲,更加自我感覺良好,錄完節目之後,監製訪問檸樂,檸樂當時表示:「我唔出聲? 因為無論我講咩,佢都唔會聽。」伍公子謂檸樂柔弱勝剛強,當時TVB都覺得李思捷太X(呢個X代表一個數字﹗),又成段節目剪走晒。

伍公子認為大台X街又嫌太X街,X(都係嗰個數字﹗)又嫌太X,乜都剪走晒,伍公子更直言唔知《網絡挑機》呢個節目點爆,更寸爆可能《愛.回家》仲好睇過呢個節目。

(facebook截圖) TVB亦搵咗「方丈」劉以達做宣傳自嘲。(無綫電視截圖) (伍公子facebook圖片)
(伍公子facebook圖片) (無綫電視截圖) (無綫電視截圖)
鍾意就快D Share啦!