2015年12月16日 星期三

捱出獎 捱 20年贏男配  50歲韋家雄新劇變番茄 [FACE - 447] __,MF,

韋家雄喺大台前後撈足20年,今次終於攞到「最佳男配角」一獎,跟咗戲劇組總監曾勵珍多年,總算有回報啦。真面目捱出獎 捱20年贏男配 50歲韋家雄新劇變番茄大台頒獎禮雖然都是一場戲,不過亦睇到得獎者嘅人氣去到邊,秋生哥嘅得獎講詞、胡定欣首奪視后,都算係當晚嘅話題位。但勢估唔到最多網民為佢熱烈地彈琴嘅係50歲韋家雄。入行20年首次攞「最佳男配角」,當大家以為佢上位在望,但原來喺新劇《火線下的江湖大佬》中 ...


韋家雄喺大台前後撈足 20年,今次終於攞到「最佳男配角」一獎,跟咗戲劇組總監曾勵珍多年,總算有回報啦。

真面目

捱出獎 捱 20年贏男配  50歲韋家雄新劇變番茄

大台頒獎禮雖然都是一場戲,不過亦睇到得獎者嘅人氣去到邊,秋生哥嘅得獎講詞、胡定欣首奪視后,都算係當晚嘅話題位。

但勢估唔到最多網民為佢熱烈地彈琴嘅係 50歲韋家雄。入行 20年首次攞「最佳男配角」,當大家以為佢上位在望,但原來喺新劇《火線下的江湖大佬》中,角色卻猶如大茄。秋生喺頒獎禮上叫大台俾多啲機會韋家雄,希望大台會聽到

50歲韋家雄眾所周知有個神級編導阿哥韋家輝,不過入行 20年,雖然戲好,但獲得肯定機會少。週日(13日)大台頒獎禮韋家雄終憑《梟雄》獲得「最佳男配角」,大家都替佢好歡喜。

唔使巡禮

韋家雄拍完《火》劇後將會拍《一屋老友記》,不過巡禮預告片影都冇,就知戲份有幾多。  YouTube畫面

傳過人妻

韋家雄外表戇直,但唔代表唔追女,拍《 4 in Love》狂追葉翠翠,而拍《金枝慾孽. 2》時就同劇中飾演婢女嘅人妻陳嘉嘉傳緋聞。 圖片

溝過翠翠 《蘋果日報》圖片

造型冇份

韋家雄拍緊《火線下的江湖大佬》,劇中飾演鄭則仕少年版,造型當日韋家雄都冇到。大台有幾重視睇到啦。 網上圖片

做鄭則仕少年版

可惜攞獎唔一定開始行運,自從監製戚其義離巢後,韋家雄演出機會好少,而且戲分唔多, 15年有 6套劇拍,量多但發揮機會少;而韋家雄最近忙拍新劇《火線下的江湖大佬》及將開拍《一屋老友記》,不過《火》劇只飾演主角鄭則仕的少年版,戲份得 10場, 50歲人做鄭則仕的少年版,相信只有大台先諗到;將開拍的《一》劇韋家雄亦只係配角,戲分同《梟雄》做黃秋生頭馬差天共地。

黃秋生其實不只一次公開讚韋家雄,週日攞獎後亦大讚,仲話:「 TVB要好好重用韋家雄,唔好用嚟做『百搭』。」,你有你讚,但大台態度依舊,不過韋家雄搵食唔愁,除咗有搞 LED燈生意外,兩年前仲開埋 CG後期製作公司。雖然大台仲未捧自己,新劇仲要做大茄,但韋家雄依然厚道說:「我多謝公司俾機會,唔好意思呀,唔答得(壹傳媒)。」老闆最 like呢隻,任勞任怨。

韋家雄攞獎,全場起身戥佢高興,呢啲反應冇得照稿做㗎,全部出自真心。

韋家雄與圈外拍檔搞燈飾生意,仲有間後期製作公司,唔使等 TVB開飯。 網上圖片

黃秋生攞獎冇人質疑,不過胡定欣攞視后,就有人覺得未夠班,其實大台分獎,咁認真做咩?

35歲姚子羚巴打撐

網友雖然毒舌,但眼晴係雪亮,你值得攞獎而又攞到,實留言撐。除咗韋家雄外,最多網友撐 35歲姚子羚攞獎, 04年在《棟篤神探》中飾演邪教私鐘妹最受巴打喜愛。

02年入行,姚子羚都捱足 13年先有獎攞,係值得高興嘅!

姚子羚喺《 4個女仔 3個 BAR》只做配角,戲份冇陳凱琳咁多,但做得好,唔使多戲,一樣有獎攞。 網上圖片

姚子羚係高登仔最愛, 04年拍《楝篤神探》,劇中飾演玄天聖女,信邪教再做埋跑私鐘,被網友封為「邪教雞」。 電視畫面

採訪、撰文、攝影:娛樂組


鍾意就快D Share啦!
Related Posts Plugin for WordPress, Blogger...