今早香港市區溫度驟冷，市區徘徊約14°C至15°C，市民已經準備頸巾同暖包甚至羽絨禦寒，但拍夏天戲嘅藝人就慘慘豬，唔單上要著薄衣抵冷，今日羅彩玲同陳婉衡(Alycia)等人喺銅鑼灣百德新街仲要拍濕身戲!
下午4點，羅彩玲同陳婉衡(Alycia)，仲有細細粒陳嘉佳等人喺銅鑼灣拍葉念琛新戲，開頭細細粒咁凍天時食雪糕食到津津有味，食食下仲含住個雪糕筒，之後工作人員買咗蛋撻，細細粒依然有肚，第一時間衝埋去攞。
之後羅彩玲同陳婉衡(Alycia)等3個女仔，就著住好薄好透嘅白色面衫，入面著咗泳衣比堅尼，拍攝用水槍射佢哋嘅戲份，佢哋係扮緊sell防水電話套，搞到成身濕晒，擁36E上圍嘅陳婉衡濕身後身材就更加激凸。喺街上圍觀嘅市民都忍唔住話佢哋好慘:「呢啲錢唔易搵呀。」為數大約有5、60人睇拍戲。
一拍完呢個Shot，工作人員即用外套包住3個女仔，女工作人員就攬住佢哋俾啲溫和佢哋，又俾熱水佢哋飲。再繼續拍時3人都凍到震晒，真係我見猶憐。
拍完3個女仔，就到到莊思敏嘅戲份，佢油黑晒塊面著朱古力衫派朱古力，拍時情節啲市民係咁鬧佢，但就照拎朱古力，不過其中有個細路喊得好勁，唔知係做戲定真係搞喊個細路。
| (攝影:吳耀輝，徐錦池) |  咁凍細細粒照食雪糕 |  食食下又含住個筒 |
 陳婉衡(左)，羅彩玲(中)等今日喺銅鑼灣拍濕身戲 |  見到都凍! |  拍完要即飲熱嘢保暖 |
 途人見到都覺得慘 |  |  |
 陳婉衡同羅彩玲濕身後身材更激凸 |  |  莊思敏 |
 |
|
鍾意就快D Share啦！
|
|
|
