2015年12月16日 星期三

唱非法 K盒 吳業坤黐娛圈「毒后」開 P [FACE - 447] __,吳業坤,Winnie Yuen,毒后,MF,

向來形象陽光嘅坤哥,估唔到近期埋咗娛圈「毒后」WinnieYuen堆,坤哥千祈咪行差踏錯呀!封面唱非法K盒 吳業坤黐娛圈「毒后」開P《超級巨聲2》出身的吳業坤一向行陽光毒男路線,今年一曲《原來她不夠愛我》唱到街知巷聞,網上MV更有246萬點擊而成YouTube本地MV點擊第2位,勁過周柏豪。不過升呢坤哥連朋友都同時升呢,本刊得到一批私相和絕密影片,內有坤哥邊飲酒邊唱首本名曲,又用啤酒樽作勢爆好友陳 ...


向來形象陽光嘅坤哥,估唔到近期埋咗娛圈「毒后」 Winnie Yuen堆,坤哥千祈咪行差踏錯呀!

封面

唱非法 K盒 吳業坤黐娛圈「毒后」開 P

《超級巨聲 2》出身的吳業坤一向行陽光毒男路線,今年一曲《原來她不夠愛我》唱到街知巷聞,網上 MV更有 246萬點擊而成 YouTube本地 MV點擊第 2位,勁過周柏豪。不過升呢坤哥連朋友都同時升呢,本刊得到一批私相和絕密影片,內有坤哥邊飲酒邊唱首本名曲,又用啤酒樽作勢爆好友陳國峰頭,玩得好 high!最爆係坤哥開 P地點,竟是在有娛圈「毒后」之稱的 Winnie Yuen家中,大班人開 P狂歡,竟用非法 K盒唱 K,與平時傻更更的坤哥另一個樣。

25歲坤哥難得捱出頭來,連叱咤5強我最喜愛男歌手都入埋圍,坤哥都係玩得小心 D好!

日前本刊發現一批私密照片和一段影片,內有大量吳業坤在友人家中又唱歌又飲啤酒,當中更有坤哥和陳國峰作狀打交的連環圖,重點是,屋主正是曾承認吸毒的娛圈「毒后」 Winnie Yuen。

「有人叫我毒后」

坤哥在眾人眼中都是陽光毒男,唔煙唔酒,不過照片中的坤哥,不但玩得好 high,而且手執啤酒,似乎飲大咗!「 Winnie Yuen喺娛樂圈識好多人,以前做 Disco公關,𠵱家喺深圳開卡拉 OK,仲有同唔少圈中人聯絡,坤哥應該係經成日上大陸接登台騷嘅古卓文(《亞視星光幫》)介紹。」現年 55歲的 Winnie,在 15年前的訪問中,親口承認有吸毒習慣,加上當時她與藍潔瑛和陳寶蓮相熟,有傳二人後來精神失常都關 Winnie事,但她否認。

據知 Winnie和過氣女星羅明珠最熟,二人經常孖住外出,相約圈中爛蒲一族玩;而 Winnie在訪問中提到:「我 15歲開始食草(大麻), 17歲已經有人叫我毒后,都只不過係花名。圈中人食大麻好普遍,尤其係打 band玩音樂嗰啲,我覺得食咗大麻可以令人聽清楚用乜嘢聲、用乜嘢樂器好啲。」不過當年她在訪問中聲稱已冇再掂毒品。

飲到啤啤夫,坤哥影相開始面有難色。

週日( 13日),坤哥有幸入圍飛躍男藝人,仲有翠如 BB幫佢打氣玩心跳指數。電視畫面

今年至出碟,坤哥已經成功晉身叱咤我最喜愛男歌手五強。

最多講音樂

Winnie Yuen不論是對演員或是歌手,都愛打交道,曾表示熟悉音樂、熱愛電影的她,替不少唱片做過混音、替電影做過配樂,近年在深圳開夜場後,更容易接觸北上賺人仔的新人歌手。坤哥離奇黐上「毒后」,當晚開 P,與 Winnie好 friend的 47歲羅明珠亦是座上客,羅明珠前夫王培宏早年藏毒罪成,羅亦曾捲入大劉情史。當晚眾人隊啤打邊爐又唱 K,坤哥即場演繹自家金曲,仲用非法 K盒唱 K添!

參加《超級巨聲 2》入行的吳業坤,當年雖然只得第 5名,不過從來無放棄過做歌手的願望!由路人甲,到台慶扮棋,坤哥今年終於捱出頭來,不但成功拍劇入屋,更出碟有 hit爆歌〈原來她不夠愛我〉,年尾音樂頒獎禮,攞獎無難度。

當晚陳國峰都係座上客,自拍相眼神帶點飄忽。

飲到興起,坤哥擸起啤酒樽就「車」落國峰個頭,小心玩出火喎!

據知係古卓文(右二)介紹 Winnie Yuen認識坤哥和陳國峰,聚會更不只一次。

係女人都冧

坤哥雖然表面怕怕醜醜,私底下其實十分主動,除主動問女仔攞電話外,噓寒問暖招數做到足,而且年齡不限! 00年參加完《巨聲 2》後,星煥即與胡鴻鈞簽約,「 Herman(星煥老闆何哲圖)睇死坤哥紅唔起,寧願改簽胡鴻鈞,都一直唔肯簽佢。」坤哥參加得比賽就預要入行,所以遂向樂易玲埋手,經一輪觀察後,樂小姐出面成功令星娛樂接收坤哥。

坤哥除了向樂小姐埋手,為保飯碗,坤哥亦冧掂珍姐成功加入戲劇組,在《愛.回家》有一個相當重要的角色外,亦是綜藝節目常客,開始被重用。

至於音樂方面,由於仍由 Herman話事,明知大台成績唔慌好的坤哥早已鋪定後路,落足本與電台 DJ打好關係,商台 DJ麻利亞、急急子等都和坤哥份屬友好,而且商台特別重視唱作歌手,亦令坤哥今年順利入圍我最喜愛男歌手 5強。

前途大直路,坤哥玩乜都要小心呀!

坤哥睇嚟同 Winnie Yuen已認識咗好一段時間,當日帶埋自己隻碟上去送禮(右圖),上面仲寫住「要睇住我!好耐冇見!」,都幾九唔搭八。

坤哥真係名符其實嘅宅男,收工去整眼鏡,之後返屋企,當晚冇 P開囉!

事業開始有起色,仍與家人同住公屋嘅坤哥,唔知幾時打算買樓呢?

星煥老闆何哲圖(小圖)睇死坤哥紅唔起,遲遲唔肯簽佢,反而簽晒鄭俊弘、吳若希、胡鴻鈞和許廷鏗。網上圖片

亂唱 K 坤哥隨時被索償

據梁永鏗律師表示,坤哥雖然係私人使用呢個 K盒,亦無作銷售用途,所以唔算係刑事罪行,不過,其實唱片公司,或者版權持有人都可以從民事索償定坤哥罪喎!「其實就咁喺私人地方咁做,一般唱片公司都唔會大費周張去告嘅!」

「毒后」自爆毒史 藍潔瑛陳寶蓮閨蜜

原名阮慧珊的 Winnie Yuen,今年已經 55歲。 17歲開始做過幾間有名 Disco公關,最風光時月入 30萬(幾十年前!),她亦因此認識唔少圈中人。 Winnie又聲稱從事過唱片混音製作及替電影公司工作, 00年她曾接受週刊訪問自爆:「好多毒品我都試過,包括冰、四仔、 Coke同 K,但係𠵱家都冇掂,由始至終我都只係食草(大麻)啫!」當年藍潔瑛和陳寶蓮就是 Winnie的閨蜜,而 Winnie當年受訪目的是要澄清她毒品「拆家」的傳言。她又爆:「 Yammie(藍)冇嘢戒,最主要係戒戇居,至於 Pauline(陳)唔可以話戒唔戒,佢其實食唔食都得!」由藍潔瑛、陳寶蓮群到坤哥、陳國峰, 55歲「毒后」真估佢唔到喎!

圖片

熱愛集郵嘅 Winnie,當年連哥哥都有集過㗎! 圖片

專做女人湯圓

咪睇其貌不揚嘅坤哥平時唔聲唔聲,其實係冧女高手!

網上圖片

樂小姐

由於星煥老闆 Herman唔肯簽坤哥,坤哥自發功向樂小姐埋手,結果好順利,樂小姐出到聲,星娛樂接收咗

網上圖片

珍姐

齋唱歌搵唔到食,加上碟都未有得出,坤哥再向戲劇組珍姐出手,《愛.回家》從此多咗個利樂童。

網上圖片

龔嘉欣

拍《愛.回家》朝見口晚見面,劇中又飾演姐弟,坤哥自然與龔嘉欣 friend咗,現實中二人亦真係稱姐道弟,互傾心事㗎!

網上圖片

謝安琪

坤哥試唱〈原來她不夠愛我〉初期,專登請教 Kay應該點唱,對唱歌咁有熱誠嘅男仔, Kay點會唔錫住佢呢!

網上圖片

黃心穎

雖然合作機會一隻手已經數得晒,不過坤哥勝在口甜舌滑,成功攞到心穎 BB電話之外,間中 WhatsApp係常識吧!

網上圖片

吳若希

有共同朋友,年紀又差唔多,最愛整蠱做怪嘅坤哥最啱 Jinny胃口,最緊要係坤哥甘願做 Jinny隻兵嘛!

採訪、撰文:娛樂組

攝影:娛樂突發組


鍾意就快D Share啦!
Related Posts Plugin for WordPress, Blogger...