掃呢頁CODE去手機

2016年1月21日 星期四

丁蟹又嚟?秋官唱到冧市 阿Bob走得快 范振鋒蝕凸50萬 __,阿B,范振鋒,林盛斌,Bob,鄭少秋,秋官,丁蟹,鍾鎮濤,

丁蟹又嚟?秋官唱到冧市阿Bob走得快范振鋒蝕凸50萬踏入2016年,香港股市持續積弱,昨日收市再跌749點,令股民人心惶惶!更甚是「丁蟹效應」又再着燈,鄭少秋為新片《美人魚》唱插曲,即唱冧股市,連開籠雀秋官也刻意避談市況,費事攬上身!除大戶趙薇和章子怡分別在短短廿天蒸發逾億外,香港娛圈也陸續出現「蟹民」,前後損手逾50萬的范振鋒跌到怕,講明斬腳趾離場,趙哲妤更帳面蒸發30萬,「投資王」林盛斌亦斷言 ...


踏入2016年,香港股市持續積弱,昨日收市再跌749點,令股民人心惶惶!更甚是「丁蟹效應」又再着燈,鄭少秋為新片《美人魚》唱插曲,即唱冧股市,連開籠雀秋官也刻意避談市況,費事攬上身!除大戶趙薇和章子怡分別在短短廿天蒸發逾億外,香港娛圈也陸續出現「蟹民」,前後損手逾50萬的范振鋒跌到怕,講明斬腳趾離場,趙哲妤更帳面蒸發30萬,「投資王」林盛斌亦斷言市況差,已主力轉攻細價樓。

Bob吸取上次慘痛經驗,醒目提早抽身!

玩開股票的范振鋒賺咗6位數都蝕凸,今次得不償失!

趙哲妤亦是受災「蟹民」之一,帳面唔見30萬!

圈中不少藝人喜歡投資股票,惟港股近日在走資陰霾下持續低迷,踏入2016年,恒生指數在短短20日累跌逾3千點,昨日收市狂瀉749.51點,跌穿19,000點心理關口,令圈中股民人人自危!兩位大戶趙薇和章子怡傷得最甘,趙薇持有的阿里影業(01060)踏入2016年後令她帳面蒸發4.35億元,章子怡母親李涿生持有的萬達商業地產(3699)帳面亦唔見1.5億,跌到人都驚!

趙哲妤唔見30萬

最慘是鄭少秋「丁蟹效應」似乎又嚟料,秋官近日與莫文蔚為周星馳新片《美人魚》錄插曲,翻唱《世間始終你好》,不少股民慘呼「丁蟹顯靈」,港股難以幸免!記者昨日致電秋官,其妻官晶華代答:「秋哥沒甚麼要說呀!大環境不佳呀!」就連平日乜都肯講的秋官也避談今次「小股災」,明顯是不想捲入今次跌市。

圈中「蟹民」人心惶惶,玩開股票的范振鋒大嗌怕怕:「之前玩開能源股,都有賺6位數字,點知依家輸凸,前後唔見近50萬!都係唔玩喇!我又唔係西裝友日日對住個Mon睇實個市,唔會再入市!」其妻李思欣說:「我搞鑽石生意,股市跌會影響到我,因為啲人會少咗消費意欲去買額外嘅嘢,我冇玩股票同基金,只係擔心個市道愈來愈差。(鑽石生意會因而蝕錢?)短期內睇唔到,要睇大家消費情況。(你有份經營保齡球場餐廳?)保齡球場拉勻賺錢,但裏面間餐廳就蝕少少,唔方便講個數。」

前中國小姐趙哲妤也表示損手:「今日(昨日)撈底入貨,買得謹慎,跌到19,000萬先入貨,我冇買細價股,都係買港交所,始終有日會升番上19,000點。其實我有幾隻股揸手,之前啲藍籌股喺高位已經放晒,細價股就未放,依家係坐艇狀態,放喺度由佢跌,暫時唔諗溝貨,我就唔信跌到14,000點!不過今次(帳面)都蝕咗幾十萬,30萬左右(已經跌到盡?)唔敢講盡,可能低處未算低,哈哈!」

揸大藍籌收息

向來具投資心得的林盛斌(Bob)原來一早醒目離場,現只持有幾隻大藍籌收息:「我幾年前有人畀山埃貼士,搞到唔見幾十萬,我依家都冇再買股票,只有剩番幾隻大藍籌,都唔會放,咪當收吓息!」Bob又表示已轉攻投資細價樓:「投資磚頭買細價樓仲好,依家樓價跌,要入貨咪叫業主再減囉!我都係買嚟收租睇長線!」他又表示市道不景氣,其製作公司生意跌了3、4成,惟有開源節流!

文:專案組

Bob吸取上次慘痛經驗,醒目提早抽身!

玩開股票的范振鋒賺咗6位數都蝕凸,今次得不償失!

趙哲妤亦是受災「蟹民」之一,帳面唔見30萬!


來源 source: http://the-sun.on.cc
鍾意就快D Share啦!