熱爆娛樂: 獨家潛入　睇晒徐子淇孻仔百日宴 [壹週刊

2016年1月21日星期四

獨家潛入　睇晒徐子淇孻仔百日宴 [壹週刊 - 1350] 徐子淇,M1,

退出幕前的黎姿難得 deep V低胸現身，更與徐子淇一齊𠌥低身影大合照，但論搶鏡程度，徐子淇件超低 deep V裙性感度爆燈，咁嘅身形完全唔似生咗四件。

探熱針

獨家潛入　睇晒徐子淇孻仔百日宴

「千億新抱」徐子淇同老公李家誠九年抱四，孻仔李建熹（ Preston）出世儲齊兩個「好」字後，靚媽決定封肚唔再生。

上週末，李家為孻孫舉行一連兩日的百日宴，更突然以中環摩天輪為場地，充滿嘉年華氣氛外，巨型帳篷內更布置成豪華花園，主角建熹的家姐晞彤、晞兒和哥哥俊熹，全晚滿場飛。

幸福摩天輪

徐子淇和李家誠的孻仔建熹百日宴，選擇在摩天輪旁的空地舉行，據知場地構思是因為一首歌。

「子淇本身好鍾意摩天輪，一諗起摩天輪佢就會聯想到《幸福摩天輪》呢首歌，當佢哋知道中環摩天輪廣場塊空地可以租俾人做活動，就決定喺呢度搞百日宴，等啲親友可以感受吓幸福嘅氣氛，所以會場裡面特別有一個位係專登唔封頂，可以俾大家睇住個摩天輪。」知情者說。

舞台上放了一隻巨型啤啤熊，及用了建熹的英文名 Preston巨型燈箱做背景。

因為要做到幸福摩天輪主題，所以場內有一個露天位置可以望住個摩天輪。

場內每個角落都擺放了鮮花，加埋水晶燈，相當豪華。

子淇的兒時偶像係 Boyzone，所以特別請來他們的主音 Ronan Keating來港做主演嘉賓，他唱歌期間李家誠與老婆更在側邊跳舞。

四叔叫埋李家誠、徐子淇同 BB建熹一齊上台同來賓打個招呼，不過 BB當時瞓着咗。

大家姐有風範

第一場百日宴在上星期五（一月十五日）舉行，當日全日落住雨，直到臨近賓客到場時段，突然停雨，令李家誠兩公婆，同爺爺四叔李兆基，可以到露天位置迎賓，天公做美。兩個家姐晞彤、晞兒，和哥哥俊熹，亦跟爹哋媽咪一齊做迎賓。

細細佬百日宴，晞彤和晞兒著紗裙戴閃石頭箍，公主一樣，俊熹亦打晒煲呔著「踢死兔」，媽咪仲幫他梳了個都敏俊齊蔭頭。

三姊弟全程圍住媽咪氹氹轉，其間又走開去玩韆鞦，但韆鞦只坐到兩個人，大家姐晞彤於是讓細佬妹玩，自己負責企後面推，好有大家姐風範。由於天氣凍，玩了一陣，徐子淇便叫工人姐姐，帶他們返入室內，以免冷病。

四叔同子淇忙於招呼賓客，大女晞彤都有一齊幫手。

兩個女著晒紗裙，打扮到成個公主咁樣。

大仔俊熹就著住禮服周圍走，又同家姐一齊玩韆鞦。

迎完賓，四叔同李家誠搭晒膊頭返回場內。

為怕仔女被記者影到相，第二日工人準備了太陽帽給小朋友，每當他們出去露天地方，工人都會幫他們戴上。

四叔自爆湊孫樂

主角建熹連續兩晚都由爹哋媽咪抱上台同眾親友見面，爺爺四叔更公開讚孫仔精靈，「孫仔相貌端正，精乖伶俐令我十分欣慰，希望佢長大後，能夠做到才貌雙全，將家族發揚光大，成為吾家嘅千里駒。」

席上四叔又自爆自己無論幾忙，都會抽時間陪孫仔孫女去海洋公園睇海豚，去迪士尼樂園玩，四叔說多親近天真無邪的小朋友，可以令自己無拘無束，返老還童，又可以減壓輕鬆吓，人生一大樂事。