娛樂偵訊
許廷鏗好介紹 補習天王速撇林欣彤
入行六年，林欣彤（ Mag）感情生活七國咁亂，跟「巨聲幫」羅孝勇甩拖後，被爆三度翻撻初戀男友 Ben，二人去年初再分手，男方更在 fb大爆林欣彤劈腿。早前又被踢爆戀上補習天王趙永康（ David），不過拍拖唔夠半年，新歡嫌林欣彤太黐身，未正式想斬纜，已經背住她在外嗒女。
一拍即合
林欣彤去年經好友許廷鏗介紹，認識了曾與最 hea港姐張舒雅，以及女歌手 AGA拍過拖的補習天王趙永康，二人一拍即合，不過情緒大起大落的林欣彤，好快便故態復萌做貼身膏藥，令貪玩愛蒲的趙永康抖唔到氣，開始疏遠。
「拍拖幾個月， David已經覺得同 Mag唔多夾，太黐身，見少陣都唔得； David同王浩信好老友，成班 friend鍾意約埋一齊飲嘢傾偈，一飲就幾粒鐘， Mag見唔到男友唔開心，試過唔停咁打咗十幾次電話俾 David，好瘋狂！」知情者說。
明知林欣彤有情緒問題，趙永康唔敢即時斬纜，惟有慢慢疏遠，試圖令對方知難而退。
「 David以前幫許廷鏗補數學，都算係師生關係， Mag係佢做中間人介紹識，加上 Mag份人好極端，之前又有過情緒病， David怕佢一時間接受唔到做傻事。」知情者說。
有女煲湯
一心要撇的他，已有了新目標，本週一（一月十八日）中午，趙永康離開跑馬地寓所，原來新歡早已在附近的巴士站等候，並預備好熱湯給他飲，之後二人坐巴士到中環街市附近大牌檔食埋晏，趙永康才獨自返回位於灣仔的補習社。
對於跟林欣彤分手一事，趙永康沒有否認：「唔好意思，私人嘢我選擇唔答，又唔關工作事。」
貼身膏藥
12年因壓力爆煲患上抑鬱及厭食症的林欣彤，亦因此影響工作，事業無法更上一層樓；加上每次拍拖都全情投入，太黐身而嚇走對方，多次情傷，令情緒更受困擾。
《 24小時 on call》
Mag欠缺安全感，時刻都要知道男友一舉一動，一旦對方沒接電話，便會奪命追魂 call，直到對方聽為止。
《騷擾身邊人》
如果同男友失聯， Mag會向對方的身邊朋友落手，四圍打電話問人是否與男友一齊，在什麼地方等。
撰文、攝影、攝錄：娛樂組
|
鍾意就快D Share啦！
|
|
|
