2016年2月9日 星期二

100毛禁忌過肥年 __,

100毛禁忌過肥年猴擒賀歲 100毛主播百毛禁忌火猴興旺,百「毛」禁忌!今日大年初二,毛記電視十位人氣主播晒冷舞麒麟舞獅賀歲,盤菜瑩子大力打鼓助興,舞獅的利君牙興奮撞開羅若off;拿着桃花的專家Dickson難得被女圍,希望打破「毒」咒禁忌開齋拍拖,東方昇就想趁農曆年闖關返內地,黃慘盈奢望𢭃「腦細」林日曦的100萬元大利是,大家齊歡唱《喜氣洋洋》。撰文:皓騫、譚倩宜毛記電視於上月憑 ...


100毛禁忌過肥年



其他影片:>>






猴擒賀歲 100毛主播百毛禁忌

火猴興旺,百「毛」禁忌!今日大年初二,毛記電視十位人氣主播晒冷舞麒麟舞獅賀歲,盤菜瑩子大力打鼓助興,舞獅的利君牙興奮撞開羅若off;拿着桃花的專家Dickson難得被女圍,希望打破「毒」咒禁忌開齋拍拖,東方昇就想趁農曆年闖關返內地,黃慘盈奢望𢭃「腦細」林日曦的100萬元大利是,大家齊歡唱《喜氣洋洋》。

撰文:皓騫、譚倩宜

毛記電視於上月憑《勁曲金曲分獎典禮》響朵,一班90後主播人氣急升,踏入火猴年舞麒麟百「毛」禁忌賀歲,盤菜瑩子手快搶到麒麟笠頭學眨眼,東方昇、利君牙、盤菜、羅若off更玩爭位,利君牙跌低大叫,羅若off指住盤菜:「好狼!成個手袋(福字賀年掛飾)塞落我個面度。」

眾人又上天台舞獅,盤菜負責打鼓,利君牙興奮亂舞撞開羅若off和慘盈,幾乎重演葉劉淑儀被麒麟撞飛事件,十分爆笑。



【喜氣洋洋】

■毛記電視十位人氣主播日前接受本報專訪,舞麒麟舞獅賀歲,齊歡唱《喜氣洋洋》。

攝影:郭賢興



【毛記晒冷】

■毛記十位主播新年最想𢭃「腦細」林日曦的100萬元大利是。



【反轉傳統】

■銀紙彤(左)新年要睇書,「毒」男Dickson想破毒咒,盤菜自言最大禁忌是被爆割雙眼皮。

Dickson誓破「毒」咒火猴年百「毛」禁忌,毛記主播一人有一個禁忌誓要打破,「毒」男Dickson有幸合照時被女圍,盤菜伸脷扮舔,慘盈嘟嘴扮錫,Dickson面都紅了說:「我好想有另一半,新一年要打破『毒』咒,𠵱家身上好多桃花,相信今年會興旺。」但他圍着桃花轉圈卻錯方向,Dickson自嘲逆流而上更加好,到拍照時被要求拿低些桃花,慘盈取笑:「嘩!咁樣詛咒佢!」盤菜:「其實佢已經冇得再低!」

去年被本報爆割雙眼皮的盤菜說:「我最大禁忌俾你哋踢爆咗,所以已經破咗禁忌。」問多久沒陪家人食開年飯?她反問:「開年係乜嚟?其實我冇食過,唔知。」Dickson被嚇呆不懂反應。慘盈就希望打破新年不可買鞋禁忌:「女人開心買鞋唔開心買鞋,咁新年咪開心同唔開心都冇嘢做囉,世界末日囉!」

望𢭃腦細利是長髮明豬則說:「我一定要打破男人短頭髮呢個禁忌,同埋希望全世界都變晒做中國人。」東方昇鼓掌:「好,啱聽。我希望農曆年試吓返大陸,博吓大陸海關hea hea哋畀我入去,減壓見吓紅。」羅若off:「新年一定要做功課,試吓小學生唔好交功課。」利君牙:「平時日日都要擦牙,新年放鬆keep住年糕喺牙罅步步高升。」

銀紙彤就說:「新年唔畀買書,因為唔好意頭,我要打破禁忌一個月睇夠30本。」崔建芒:「屋企人禁忌係新年唔返工,我要打破,因為新年要返工拍片。」吳檸檇:「我想收聖誕老人利是。」問會否跟腦細拜年𢭃利是?慘盈說:「腦細會幫我哋開年,希望𢭃到100萬,晒你冷!」崔建芒笑說:「畀份保單我OK,因為我𠵱家覺得喺度做嘢,有人身安全問題,唔該腦細。」

場地提供:三姜武館


鍾意就快D Share啦!
Related Posts Plugin for WordPress, Blogger...