掃呢頁CODE去手機

2016年2月18日 星期四

咁又過完年! [壹週刊 - 1354] __,M1,

推住三個喼,魏駿傑一馬當先,同囡囡跟後嘅傑嫂張利華,點解嬲咗成村人咁呢?同你吟一吟咁又過完年!無論係周圍去拜年𢭃利是、開賭、大覺瞓又或者出埠避年都好,話咁快,又過咗一個農曆新年!踏入𤠣年,除咗旺角黑夜一幕幕動魄驚心嘅衝突場面,仲有股市狂瀉,其他,不外係呢啲。魏駿傑兩公婆冇多句舊年因為老婆同香港單車手鄧宏業密會,搞到幾乎離婚嘅魏駿傑,選擇帶埋妻女離港度歲。大年初一出發,魏駿傑推住三大喼行李,老婆張利 ...


推住三個喼,魏駿傑一馬當先,同囡囡跟後嘅傑嫂張利華,點解嬲咗成村人咁呢?

同你吟一吟

咁又過完年!

無論係周圍去拜年𢭃利是、開賭、大覺瞓又或者出埠避年都好,話咁快,又過咗一個農曆新年!踏入𤠣年,除咗旺角黑夜一幕幕動魄驚心嘅衝突場面,仲有股市狂瀉,其他,不外係呢啲。

魏駿傑兩公婆冇多句

舊年因為老婆同香港單車手鄧宏業密會,搞到幾乎離婚嘅魏駿傑,選擇帶埋妻女離港度歲。

大年初一出發,魏駿傑推住三大喼行李,老婆張利華就負責照顧囡囡 Jessica。

一家三口去旅行,但魏駿傑同細自己廿年嘅重慶老婆,全程零交流,唔通真係學佢話齋,心入面有條刺!老夫少妻,始終牙煙!

經濟位大排長龍,等 check in期間,兩公婆一句說話都冇講過。

行去入閘,魏駿傑拖住個女,冇理老婆。

黐到星爺 錢國偉肥囉!

唔想因為黃金假期同人逼,又要買貴機票出埠嘅肥 Wilson錢國偉同 Mani霍汶希,大年初二就去咗銅鑼灣蓮花宮拜神。

賀歲片《美人魚》票房响內地贏到開巷,身為該片執行導演嘅錢國偉,過年前還神,過年就去拜神,咁神心,唔通有分紅?黐到星爺,錢國偉由「夜蒲導演」,變成廿幾億「執導」,不得了!

賀歲片《美人魚》喺內地上畫唔夠十日,已經收過廿億人仔,身為執行導演嘅錢國偉如果有紅分,就肥囉!

信眾太多,拜太歲要排隊。

Mani抱女拜太歲

至於比肥 Wilson遲一個鐘先到蓮花宮嘅單親媽 Mani,當日一車人有老有嫩,包括就快五歲嘅囡囡 Honey。

只要一家人齊齊整整,無論選擇做乜,都開開心心!八珍在此補祝大家新一年身體健康!事事如意!

俾媽咪抱住嘅 Honey,眨吓眼就五歲大。

上香拜太歲, Mani同孖生細妹 Noven(箭嘴)一齊行去廟後化寶。

之後去附近餐廳醫肚,大人圍埋專注睇前一晚(年初一)旺角暴亂新聞片, Mani女自己坐定定,好乖!

吳君如男女家團拜

傳聞陳可辛堅持不婚政策,但每逢大時大節,都會安守本分,交人!

上星期五(初五)四點,《壹》仔見到陳可辛扶住老豆陳銅文,吳君如就陪住自己老媽子,喺數碼港廣場外等司機接。

男家女家都有代表出席新年家庭活動,充分象徵係一家人,簽多個名又如何!

陳可辛、吳君如兩家人飲茶團拜,《金鴨》扮男人扮上癮嘅君如,繼續玩中性 look。

大部分時間住响泰國嘅陳父陳銅文,同車上嘅君如媽揸手道別。

老爺有老公扶住,君如照顧自己媽咪上車先。

撰文:八珍


鍾意就快D Share啦!