2016年3月31日 星期四

人工受孕 試足兩年 劉華追仔  50歲朱麗倩佗 B4個月 [壹週刊 - 1360] __,朱麗倩,劉德華,劉華,M1,

佗B超過四個月,朱麗倩就算著鬆身大肚裙,側面睇一樣呃唔到人。娛頭人工受孕 試足兩年 劉華追仔 50歲朱麗倩佗B4個月12年5月9日,寶貝女劉向蕙(Hanna)出世後,劉華並未滿足,得一想二的他開晒口要追個仔。華嫂朱麗倩50歲(6/4)將至,急不容緩的劉華夫婦經御用婦產科醫生蘇偉基,安排定期接受人工受孕。皇天不負有心人,朱麗倩去年尾成功再度有喜!上週二(22/3),朱麗倩由助手、保鏢護駕,現身九龍城 ...


佗 B超過四個月,朱麗倩就算著鬆身大肚裙,側面睇一樣呃唔到人。

娛頭

人工受孕 試足兩年 劉華追仔  50歲朱麗倩佗 B4個月

12年 5月 9日,寶貝女劉向蕙( Hanna)出世後,劉華並未滿足,得一想二的他開晒口要追個仔。華嫂朱麗倩 50歲( 6/4)將至,急不容緩的劉華夫婦經御用婦產科醫生蘇偉基,安排定期接受人工受孕。皇天不負有心人,朱麗倩去年尾成功再度有喜!

上週二( 22/3),朱麗倩由助手、保鏢護駕,現身九龍城買海味。著住白色鬆身裙,仍遮不住隆起的大肚。

撰文、攝影、攝錄:娛樂組 設計:何嘉慧

全家人食齋

恨生仔恨到出晒聲!去年劉華同歌迷慶生,毫不掩飾地對住過千「家人」自認想生多個仔。

當日是內地「金雞獎」舉行頒獎禮的日子,劉華在台上說:「原本今日要去『金雞獎』,但要嚟呢個活動,所以冇去到。」主持陳芷菁接口說:「你已經係我哋心目中嘅影帝。」點知劉華直情流露爆出一句:「心目中有鬼用咩?我夠心目中有個仔」

超齡趕尾班車,劉華夫婦千方百計求子,除了誠心拜佛,全家人食齋戒肉。

據知,自從女兒滿一歲後,朱麗倩便開始定時定候由生殖科專家蘇偉基,安排進行人工受孕,屢敗屢試!努力至去年十二月,終於收到喜訊。

「 Hanna出世之後,朱麗倩定咗一年,因為要湊 BB同要俾身體恢復;佢唔後生,就算之後再開始接受人工受孕,都失敗咗好多次;每次失敗,等半個月又試過。華仔都唔想老婆太辛苦,講明努力多兩年,試到五十歲唔成功就算,點知臨尾得咗!」知情者透露。

朱麗倩出入,除咗保鏢護駕,劉華更刻意調動公司一名親信(箭嘴),幫手傍住大肚婆。

上週二( 22日),素顏的朱麗倩現身九龍城海味鋪,掃貨養胎。

12年,朱麗倩為劉華誕下囡囡劉向蕙( Hanna),兩母女深居簡出,平日甚少蒲頭。

安排親信傍實

上週二(三月二十二日),懷孕已到四個月穩定期的朱麗倩,著住白色鬆身大肚裙遮肚,由於是流感高峰期,口罩更加不離口,在助手同保鏢陪同下,快閃九龍城。

當日落住毛毛雨,朱麗倩在海味鋪入貨,當她拎銀包準備俾錢時,白色裙被風吹起,四個月肚馬上現形,冇得呃人。

之後一行人再去附近的台灣食品店快買十分鐘,雖然保母車泊正鋪頭門口,但慎防大肚婆俾雨淋濕身冷親,保鏢開定遮護送上車。

據了解,劉華得知自己將再做老豆,立即大為緊張。其時他正忙住宣傳賀歲片《賭城 3》,同一時間又要飛去北京開拍新戲《王牌對王牌》,劉華於是急召身在馬來西亞的姨仔返港,幫手照顧老婆。

「十二月頭知道有咗,嗰陣華仔啲期排到好密,又要做《賭 3》宣傳,又要飛去北京開戲,惟有拜託朱麗倩家姐同細妺,喺大馬飛過嚟幫手,另外仲調咗公司一個平時貼身照顧華仔嘅同事,去傍住老婆出出入入。」

上個月,朱麗倩帶住 Hanna飛返大馬拜祭外公外婆,當時佗 B三個月,已經稍為發福兼肚凸凸。戴住口罩的她一路尾隨大隊慢行,就算發現記者,都繼續保持淡定,未有摩打腳,當日她全程未有抱女,非常小心。

「嗰次啱啱夠三個月,醫生 check過佗得穩,華仔先放心俾佢搭飛機,返外家除咗拜山,最主要係還神。佢哋仲喺當地請埋法師,成家人一齊誦經為 BB祈福。」知情者說。

去年底劉華收到喜訊時,正身處北京拍攝新戲《王牌對王牌》,無法分身照顧老婆,惟有急召大馬姨仔回港代勞。

破例湊女返學

年屆五十歲高齡佗 B,兩公婆為確保冇閃失,行事非常小心。以往湊女親力親為的朱麗倩,自從有了第二胎後,便將大部分責任交俾劉華代勞。早前,劉華在網誌透露:「早上到港,迫不及侍洗澡,帶小孩上學,然後陪家人早飯,重點是可以閒話家常,接着接小孩下課,哄小孩午睡,我也睡了。」

曾經講過怕惹混亂,所以從來不敢湊 Hanna返學的劉華,為讓老婆可以專心安胎,亦破例出動,帶個女返學。

「啱啱知有咗嗰段時間,朱麗倩唔可以抱 Hanna,加上華仔唔想佢撲來撲去,唔俾佢湊個女返學,搞到 Hanna好唔慣成日扭計,所以如果華仔喺香港,佢就親自湊返學氹番個女。」

劉華朱麗倩經生殖科名醫蘇偉基安排進行人工受孕,每次出入中環診所,都包場封𨋢。

懷孕三個月,朱麗倩帶埋 Hanna返大馬老家還神,當時已經肚凸凸,亦全程冇抱過女。

劉華同朱麗倩篤信地藏菩薩,日日誦經求子,連三歲的 Hanna都跟隨父母食齋。

個唱延期

要全心全意陪老婆安胎待產,劉華再一次開「空頭支票」,將紅館個唱無限期押後。

下月劉華即將開拍投資的新戲《拆彈專家》,之後便會停工,全天候做「住家男」,湊女陪老婆。

「 Hanna出世嗰陣,華仔都停咗兩個月冇做任何嘢,今次都一樣,做埋手頭上非做不可嘅嘢就乜都唔接。佢之前仲應承咗出年開演唱會,睇怕一定要押後。」知情者說。

已經六年未開過紅館騷,劉華原本打算申請明年的檔期,知道老婆有餡後,立即叫停。

去年劉華同粉絲開生日 P,對住過千人自認恨生仔,仲話要老婆追到 50歲。

老婆專心安胎,劉華孭起湊女重任,近日經常在網誌 po文放抱女剪影相,分享湊女經。

冇有怕

年齡愈大,生 B風險愈高,但為了繼後香燈,唔少女星年過 40,都一樣照生。

林青霞

96年, 42歲的林青霞為老公邢李㷧誕下大女邢愛林,想繼續追個仔的她, 46歲高齡再誕下細女邢言愛,成為圈中高齡產婦的 No.1。

關詠荷

03年與張家輝結婚後開始火速造人,可惜屢試屢敗,數度流產打擊,令娥姐身體和情緒大受影響,直至 06年, 42歲的她成功誕下愛女 Brittany。

吳君如

早年曾搵過不育聖手何永超打救, 06年終於成功懷孕,吳君如以 41歲高齡為陳可辛誕下女兒陳是知。

李嘉欣

08年與許晉亨結婚後,一直希望能為許家添丁,可惜多次接受人工受孕均失敗,直至 40歲,終於成功誕下兒子 Jayden Max。

黃金期一去不回

娛圈女星事業行先,到想生兒育女,才發現身體狀態不再為時已晚。錯過黃金生 B期,就算用盡方法,亦未必人人有所出。

劉嘉玲

08年於不丹結婚後,劉嘉玲曾公開表示想做媽媽,多年來一直落力造 B,有傳她試過打排卵針求子,又找「不育聖手」何永超醫生幫忙,可惜一直無法成功,嘉玲亦已徹底放棄。

陳琪

已育有兩女的陳琪,去年滿心歡喜再度懷孕,以為可以幫恨仔的胡諾言添丁,點知不幸小產,更差點子宮不保,醫生表示陳琪無法再生育,生仔夢碎。

溫碧霞

00年下嫁商人何祖光,貪靚的溫碧霞一直拖唔願生,想生時已屆 44歲,錯過生 B黃金時段,兩公婆於是決定領養, 09年在內地申請領養一棄嬰,正式為人母。

陳美琪

84年,被指關之琳介入與馬清偉婚姻的陳美琪,有傳更因此而導致小產; 99年再嫁忻尚永後,一直未有成孕,之後陳美琪在山西收養有脊椎爆裂的初生 BB女 Lucia。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...