掃呢頁CODE去手機

2016年3月31日 星期四

外母要買樓 羅仲謙吼 600萬康城 [壹週刊 - 1360] __,康城,羅仲謙,M1,

探熱針外母要買樓 羅仲謙吼600萬康城36歲楊怡與31歲羅仲謙拍拖4年,二人於22/3在英國肯特郡利茲普城堡註冊結婚,姊弟戀修成正果。據知,一對新人於婚前已四處睇樓,今年2月,有人目睹二人由地產經紀帶住睇將軍澳日出康城的首都大單位,因為要與外母同住三人世界,心水選是600萬的千呎單位。接受三人世界楊怡不好炒股,多年來賺到錢只會買磚頭,至今手上擁有三個市值共逾二千萬物業,包括將軍澳中心、日出康城領峯 ...


探熱針

外母要買樓 羅仲謙吼 600萬康城

36歲楊怡與 31歲羅仲謙拍拖 4年,二人於 22/3在英國肯特郡利茲普城堡註冊結婚,姊弟戀修成正果。據知,一對新人於婚前已四處睇樓,今年 2月,有人目睹二人由地產經紀帶住睇將軍澳日出康城的首都大單位,因為要與外母同住三人世界,心水選是 600萬的千呎單位。

接受三人世界

楊怡不好炒股,多年來賺到錢只會買磚頭,至今手上擁有三個市值共逾二千萬物業,包括將軍澳中心、日出康城領峯及紅磡城中匯,至於老公羅仲謙,一嚿磚頭都冇。

「謙仔冇楊怡搵咁多,只係近兩年開始賺錢,其實佢一直都冇諗買樓,只係聽楊怡講得多,又要氹外母;舊年四月開始,謙仔會四圍去睇吓樓,今年二月,就有人見到佢哋戴晒口罩,同經紀去睇日出康城首都。楊怡同屋企人住慣將軍澳,首都又唔係好貴,嗰日佢哋都係集中睇啲六百萬左右嘅單位。」知情者說。

為咗老婆開心,羅仲謙放棄二人世界。

「謙仔拍拖慣性會搬去女友屋企住,同楊怡一齊冇耐就同居,一齊住咗咁耐,乜都慣。楊怡阿媽初初都唔係咁鍾意,不過見個女開心,所以先冇出聲;但同謙仔關係只係一般,唔多嘢講。咁老人家諗個女結婚女婿會買樓,好正常!謙仔亦好想快啲如外母所願,所以不停睇樓,想快啲搵到啱心水。」

楊怡與母親感情要好,就算結咗婚,都要同阿媽一齊住。

去年 4月,楊怡孖住羅仲謙去紅磡排隊買緻藍天樓盤,可惜最終抽不中。

約滿無綫的楊怡,因獅子開大口而未能與無綫有共識,剛出街的《末代御醫》是她的告別作。

卵子唔等得

繼賀歲電影《西遊記之孫悟空三打白骨精》後,羅仲謙未來會將事業重心轉到內地,希望靠新片《泡沫之夏》爆出;至於即將約滿的楊怡,與無綫洽談續約仍未達共識。

「無綫鬧花旦荒,但留人條件仲係唔吸引,錢唔算多,最弊係年期長,楊怡知公司根本唔會俾到佢想嘅條件,所以佢一心諗住跟謙仔返內地,搏吓有冇機會之外,又可以睇實個老公;但最主要原因係佢想快啲生 BB,謙仔之前都同身邊朋友講,自己冇想過咁快結婚,仲話:『我等到,佢啲卵子未必等到嘛,佢話要生!』」有知情者說。

楊怡與羅仲謙本月 22日在英國古堡秘密註冊結婚,姊弟戀修成正果。

由梁詠琪做製片人的電影《泡沫之夏》,將在內地巡迴宣傳,羅仲謙的經理人公司星皓娛樂,深信他能憑此片跑出。

今年 2月,有人發現楊怡與羅仲謙在地產經紀帶住下,睇日出康城首都的大單位。

羅仲謙的助手肥斯,一直為他更新 ig及微博,是他的寫手。

ig只追蹤楊怡之謎

羅仲謙的 ig只追蹤楊怡一個人,原來只是美麗的誤會。

羅仲謙的 ig賬戶被發現只追蹤楊怡一個,被形容為「這就是浪漫」,並指他心中只有一個她,冧爆楊怡。有關此,據悉是個美麗的誤會。

「識謙仔嘅人都知佢唔玩 ig、微博,所有 update相同留言,都係佢助手『肥斯』幫佢搞,有時連喺微博同其他藝人講嘢都係。謙仔又唔識玩電腦,平時拎住部 iPad都係睇新聞睇吓其他嘢,用得最多係賽馬會嘅網上投注戶口,方便佢賭波。」知情者說。

講到底,最勁都係楊怡,明知「老公」從來唔玩 ig、微博,照樣以冧爆表情回應呢個「誤會」,視后果然唔係浪得虛名。

撰文、攝影、攝錄:娛樂組


鍾意就快D Share啦!