掃呢頁CODE去手機

2016年4月25日 星期一

【包你睇多次】希臘籃球騎呢壓哨老烏笑死你 __,

各位籃球迷各就各位呀!無論你今年畀高比拜仁單場轟入60分嚇親,定對史堤芬居里超遠距離3分奠勝留下最深刻印象,不過當你睇埋上周末一場希臘籃球聯賽嘅buzzer-beater壓哨入波,你都會對佢寫個服字,揀佢做年度最精彩入波!話說希臘籃球聯賽一場由基費斯亞對阿里斯嘅季後賽喺上周末上演,當比賽打到最後5秒,黃衫嘅阿里斯落後兩分,該隊球員主射第2個罰球炒粉之後,白衫嘅基費斯亞球員旋即搶得防守籃板,並喺阿里 ...


各位籃球迷各就各位呀!無論你今年畀高比拜仁單場轟入60分嚇親,定對史堤芬居里超遠距離3分奠勝留下最深刻印象,不過當你睇埋上周末一場希臘籃球聯賽嘅buzzer-beater壓哨入波,你都會對佢寫個服字,揀佢做年度最精彩入波!

話說希臘籃球聯賽一場由基費斯亞對阿里斯嘅季後賽喺上周末上演,當比賽打到最後5秒,黃衫嘅阿里斯落後兩分,該隊球員主射第2個罰球炒粉之後,白衫嘅基費斯亞球員旋即搶得防守籃板,並喺阿里斯球員追纏下,帶至己方籃底附近,再妙傳空晒嘅隊友馬素爾。本來馬素爾接住個波等完場就乜事都冇,偏偏佢喺呢個時候似乎腦部運作出錯,接過隊友妙傳,然後面對己方球籃順勢上籃,僅僅趕得切完成buzzer-beater,為對手追和95平手,將比賽帶入加時。

入完波先知大大鑊嘅馬素爾即時嚇到O晒咀,係堅合唔埋口嗰隻,其餘基費斯亞隊員都係個個呆晒,有基隊職員就向球證投訴入波過時,全場就只得阿里斯球員同球迷瘋狂歡呼慶祝。正所謂屋漏偏逢連夜雨,加時之後,基斯費亞仲要輸埋103比108,激死未?


來源 source: http://hk.on.cc
鍾意就快D Share啦!