掃呢頁CODE去手機

2016年5月9日 星期一

陳瀅演索殭屍 網友:畀你吸血三生有幸 __,陳瀅,

陳瀅最索殭屍,沒有之一!無綫熱播劇集《殭》已經播到第25集,播出以來掀起唔少熱話,反應相當好!除咗題材吸引之外,亮點係雲集咗唔少BB同女神,觀眾對於劇中女藝人嘅角色同造型亦有唔少意見,好似之前無綫喺Facebook舉行咗個《殭》最Like人氣女神選舉,入選女神包括賴慰玲、陳嘉寶、陳凱琳、劉佩玥、阮兒同陳瀅,到目前仍然由陳嘉寶飾演武功好兼射箭精準嘅何月領先,而身為宅男女神嘅陳瀅雖然以二千幾票包尾,但 ...


陳瀅最索殭屍,沒有之一!

無綫熱播劇集《殭》已經播到第25集,播出以來掀起唔少熱話,反應相當好!除咗題材吸引之外,亮點係雲集咗唔少BB同女神,觀眾對於劇中女藝人嘅角色同造型亦有唔少意見,好似之前無綫喺Facebook舉行咗個《殭》最Like人氣女神選舉,入選女神包括賴慰玲、陳嘉寶、陳凱琳、劉佩玥、阮兒同陳瀅,到目前仍然由陳嘉寶飾演武功好兼射箭精準嘅何月領先,而身為宅男女神嘅陳瀅雖然以二千幾票包尾,但係大家唔使擔心,佢只不過近兩集先出場,而且初出場唔夠15分鐘,已經獲得大批網民讚賞!

仙氣殭屍

一向仙氣十足、純過蒸餾水嘅陳瀅BB一直穩坐宅男女神地位,喺前晚終於出場喇!今次破天荒以型、靚、索殭屍造型現身螢幕前,除咗深受觀眾喜愛外,連陳瀅BB自己都好鍾意,仲將自己出場嘅片段同造型上載喺Facebook同Instagram同網民分享𠻹!

秒速吸血

千呼萬喚、期待已久嘅畫面出現喇!劇中陳瀅BB飾演酷爆女殭屍「阮冰」,以一身全黑、露腰嘅型格造型出場,講述與一個「世紀賤男」迎面擦過,就已經秒速咬咗對方,而且冇人發現,仲要食到啜晒手指,又勁揪又誘人!加上網民對於陳瀅BB呢個造型,個個都話好有新鮮感,大讚型到爆,仲話畀佢吸血係三生有幸𠻹,估唔到班網民愛阮冰愛到願意做殭屍喎!而尋晚嗰集投靠奸角殭屍凌風(陳山聰飾)嘅阮冰首次與不死人邢活著(鄭嘉穎飾)交手,阮冰速度快、力量勁,同邢活著打咗幾吓,就抓花咗塊靚仔面,不過大家唔使驚,不死人復完能力好快,幾秒變番靚仔!

網民有話兒

Sxx xxe:陳瀅的確有演戲天分,而謝安……演得太吃力了,卻不討好,不可強求,實在需要時間的鍛煉

Chxxx Lxx Jxx Wxx:哇哇哇 邊度有咁可愛嘅Vampurrrrrrrrrr(Vampire)????

Txxxx xo Yxx:比(畀)你吸血三生有幸

Hxx xxxl:直頭迷死人呀

Sxx Txe:殭😘終於有突破了


來源 source: http://hk.on.cc
鍾意就快D Share啦!