2016年5月9日 星期一

【1.5億六合彩】麥玲玲用英女皇生日冧把落注 醒你幸運方位同時辰 __,六合彩,麥玲玲,

各位香港市民,發達機會又嚟啦!聽日1.5億元六合彩攪珠,退唔退到休真係睇呢次喇!上次億元六合彩貼中2個字(相關連結:http://bit.ly/1TyT31i),又幫ex「事頭婆」英女皇算到一生人大富大貴嘅堪輿學家麥玲玲,今日又醒啲貼士過大家喇!今日佢同《蘋果》去咗柯士甸道嘅馬會投注站碰下運氣,玲玲姐話:「湊下熱鬧囉,因為噚日已經好多人問咩方位,5月9號時叫『辛卯日』,又叫開日,開有天開嘅意思,變 ...




其他影片:>>






各位香港市民,發達機會又嚟啦!聽日1.5億元六合彩攪珠,退唔退到休真係睇呢次喇!上次億元六合彩貼中2個字(相關連結: http://bit.ly/1TyT31i ),又幫ex「事頭婆」英女皇算到一生人大富大貴嘅堪輿學家麥玲玲,今日又醒啲貼士過大家喇!今日佢同《蘋果》去咗柯士甸道嘅馬會投注站碰下運氣,玲玲姐話:「湊下熱鬧囉,因為噚日已經好多人問咩方位,5月9號時叫『辛卯日』,又叫開日,開有天開嘅意思,變咗生氣蓬勃啲,9號同10號買呢,9號係著數少少嘅,所以快人一步都冇所謂,9號財位喺東面,所以9號買嘅朋友就去東區,傳統香港嘅東面,太古城呀柴灣呀,而九龍呢,觀塘呢區都得,新界就係將軍澳呀。10號就閉日嚟,有隱閉嘅意思,以前閉日就係娶老婆困住個老婆等佢唔出街,閉都係用嚟收埋啲嘢,好似藏寶,所以10號買呢,應該自己去,唔好話比人知,少啲夾份,收埋張六合,贏嘅機會高啲。」講到最重要嘅時辰,玲玲姐話:「兩日嘅唔同時辰,9號7點到9點係好時辰,10號早上9點到11點,下午5點到7點都係好時辰,每個人都有自己幸運數字,都會係旺你嘅人,身邊老婆仔女,如果你將啲數字,調亂下生日又好,同佢有關數字又好,都會旺到自己,而我就當然覺得我哋嘅『ex-事頭婆』非常之旺我o架,將佢生日有關數字調亂來買,由於聽日係閉日啦,我就唔公開比大家知道,自己研究下啦!」介紹返,英女皇係1926年4月21日凌晨2點40分出生,無重覆咁拆開就有19、26、4、21、2同40六個號碼,點樣組合嚟買就自己決定啦!玲玲姐今次自己劃咗自己幸運號碼:「每日唔同,9號買嘅朋友,其實可以多著綠色嘅嘢、間條嘅嘢係會旺自己多啲嘅,喺10號買嘅朋友,就會用多啲啲黃色嘅嘢係會啱自己多啲。」問到玲玲姐今日著到紅噹噹,佢解釋:「一向都會有一件黃色打底,打咗底,通常如果你話去做一啲偏財嘅嘢,搶旺嘅顏色,即係鮮艷嘅顏色係著數啲,好過灰色、黑色呢一類嘅顏色,真係希望打麻雀又好、玩波、玩馬、玩六合彩又好,都以鮮色為主。」玲玲姐稱如果買六合彩就唔會夾人買,總之祝大家好運!講及頭先市民見到玲玲姐都叫佢「加持」,玲玲姐笑言:「佢哋有時見到我好開心,好似見到招財貓咁,大家講幾句,睇吓大家買嘢。」

(攝影:陳志嵐) 玲玲姐今日著到紅噹噹去買六合彩 有市民即問佢拎「貼士」…
玲玲姐仲好受歡迎! 佢笑稱自己係「招財貓」。
買咗六合彩嘅玲玲姐笑到四萬咁!!

鍾意就快D Share啦!
Related Posts Plugin for WordPress, Blogger...