矮仔無罪呀！阿根廷球王美斯球技超凡，打遍天下無敵手，可惜一離開球場，佢嘅短小精悍身材慘成美女恥笑對象，更加畀隊友碧基完全擊倒，真‧男神冇你份喎！
話說2015年巴西美臀小姐Suzy Cortez早前因為著住美斯嘅巴塞波衫，再露出佢個美臀影靚相上載去社交網，繼而引發出一大段緋聞，有傳Suzy更向美斯傳過裸體照，激到美斯嫂洛古絲素紮紮跳！畀人傳佢搭上球王，照計都係唔錯嘅緋聞，幫助到提升人氣，不過Suzy就唔係咁睇，仲嫌疑犯美斯仔拖低佢擇偶指標，日前就專登搵件美斯個巴塞隊友碧基嘅波衫，影番幾張性感相再擺上網，然後仲串爆咁話：「我冇傳過裸照畀美斯，佢雖然好波，但唔係我杯茶，因為佢實在太矮喇！」
Suzy重申自己冇傳過任何裸照畀任何球員，佢話全隊巴塞唯一能令佢動心，都只有碧基，但都只係限於佢自己係單身時，先會send嘢畀碧基喎！好喇，美斯嘅緋聞終於甩身，雖然要畀人笑佢矮，不過總好過碧基，無情情同Suzy扯上關係，小心畀Shakira扭耳仔呀！
來源 source: http://hk.on.cc
|
鍾意就快D Share啦！
|
|
|
