掃呢頁CODE去手機

2016年5月29日 星期日

【懷念套套劇都係「不死子珊」】楊怡法拉陳茵媺杏兒逐個走 __,杏兒,陳茵媺,茵媺,陳法拉,法拉,楊怡,徐子珊,子珊,胡杏兒,

大台用人唯親,聽教聽話肯簽長約嘅藝人有機受力捧,否則一律擲入雪櫃冇情講。不過今時今日大台呢招高壓政策已經失效,原因係大陸劇需求大,加上有新媒體出現,造就大台唔少有份量嘅花旦,都勇於向外闖。除咗阿佘開製作公司自立門戶,歷代花旦離開大台,都有唔錯嘅發展。胡杏兒:舊年約滿後唔再續約,結束同大台16年賓主關係,後簽約蕭定一,盛傳以2,400萬簽約三年,轉戰大陸市場同電影,早前接咗杜國威嘅舞台劇《我和春天有 ...




其他影片:>>






大台用人唯親,聽教聽話肯簽長約嘅藝人有機受力捧,否則一律擲入雪櫃冇情講。不過今時今日大台呢招高壓政策已經失效,原因係大陸劇需求大,加上有新媒體出現,造就大台唔少有份量嘅花旦,都勇於向外闖。除咗阿佘開製作公司自立門戶,歷代花旦離開大台,都有唔錯嘅發展。胡杏兒:

舊年約滿後唔再續約,結束同大台16年賓主關係,後簽約蕭定一,盛傳以2,400萬簽約三年,轉戰大陸市場同電影,早前接咗杜國威嘅舞台劇《我和春天有個約會》,作多方面發展。同時開設自家品牌婚紗店 「KEVOLIE」,升級為老闆娘兼擔任行政總監。明明已經冇人用,續唔成約但好嚟好去都得㗎!但就傳願意出更高價嘅無綫老闆陳國強覺得被落面,下令要全面封殺杏兒。對此杏兒謂:「TVB有自己政策,呢個我明白亦理解,唔會介意。」陳茵媺:

同陳豪三年抱三嘅陳茵媺,前年以全職照顧小朋友同屋企為由,宣布暫時淡出娛樂圈。舊年7月,陳茵媺同大台約滿,靜悄悄結束9年賓主關係。雖然樂做全職媽咪,不過佢舊年8月一度復出,同杜汶澤合作拍電影《開飯啦》,點知部戲都未拍完,陳茵媺又有咗,今年4月終於生咗佢哋嘅Baby Girl,成功「三年抱三」湊成「好」字。噚晚陳茵媺忽然喺微博留言「在家庭投入家庭…在工作投入工作…請俾啲耐性,我一定會返嚟!Fighting!」人母似乎暗示嚟緊有新搞作。陳法拉:

34歲陳法拉,有指3年前同大台續約嗰陣,唔肯就範加簽長約,最後決定離開大台,隻身飛去美國讀戲劇,最近返港,同男神黃子華合作拍舞台劇《前度》。結果開賣唔夠1粒鐘,21場優先訂購嘅門票就已經售罄,而淘寶網竟然有人開天價8,888人仔兜售,泊住男神碼頭,法拉返港即先聲奪人!徐子珊:

36歲嘅徐子珊,舊年同大台約滿後冇再續約,開展珠寶設計事業。最近子珊終於有去向,佢透露會簽邵氏旗下、王祖藍開設嘅經理人公司,主力拍電影同向大陸發展。楊怡:

同樣都係36歲嘅楊怡,仍是新婚燕爾,今年4月約滿大台,暫時未有新動,依家忙緊籌備婚宴。之前有傳楊怡係想簽部頭,多番啲私人空間,但無綫想佢做親生女加以管束,咁自然傾唔掂啦。回復自由身嘅佢,有指會做跟得夫人,陪老公羅仲謙到北京發展,一直諗住婚後陀B嘅楊怡,應該有短時間會暫別幕前。

好懷念。好懷念。好懷念套套劇都係徐子珊做主角的日子。原來真係幾好睇。 好多睇完《單戀雙城》嘅朋友一直等緊陳茵媺復出,點知原來佢已經低調離開無綫。
楊怡成為人妻,未來一年專注造人大計。 憑努力躍身視后嘅胡杏兒,最後因為不續約而遭「昔日娘家」封殺。 「娘親」陳國強

鍾意就快D Share啦!