近年無綫收視不斷下滑，今年更首度出現赤字，昨日連曾經兩度封視后的佘詩曼亦在自己生日這個特別日子，宣佈再一次離開無綫。阿佘昨日在facebook透露會開設「佘詩曼工作室」，直言做人要有選擇並不容易，她說﹕「我鍾意自由，100%做自己鍾意做嘅嘢……選擇我自己工作。」未知是否暗示在無綫工作好難有自由！？97年港姐季軍佘詩曼，在無綫工作接近20年，2011年曾經離巢往外闖。之後阿佘在大陸發展尚算不俗，但近年無綫小生花旦流失情況嚴重，終於在2013年重金急招阿佘回巢，有傳當時阿佘以五千萬簽予無綫有份的翡翠東方（TVBC），當時阿佘透露發展方向主攻大陸內地市場，可能亦會幫無綫一年拍一部劇集。結果阿佘在過去兩年都冇拍過一部大陸劇集或電影，反而替無綫拍劇集《使徒行者》、最近由王晶監製的電視劇《賭城群英會》及《衝上雲霄》電影版等等。未知是否與預期有落差，令阿佘漸生離心，雖然有傳寰亞有意羅致旗下，但傳聞身家逾億的阿佘不為所動，決定不簽任何公司，而選擇自己開工作室，選擇自己喜歡的人生。昨日是阿佘的41歲生日，她選擇在這個特別日子，在facebook貼短片宣佈這個重要消息。片中見阿佘穿上low cut裙晒香肩，並說﹕「我睇嘅世界其實好簡單，我鍾意自由，我想做自己鍾意做嘅嘢，100%做自己鍾意做嘅嘢，喺呢一刻我係一個開始，我好期待嘅新開始。我鍾意選擇，聽落好似好容易咁，其實唔係，我想我可以操控我自己生命，選擇我自己工作，每日都開開心心，呢個工作室係我送畀我自己最大嘅禮物。」片尾字幕寫上「佘詩曼工作室」。記者昨日致問阿佘為何離開無綫？她在短訊中沒有正面回覆，只說﹕「多謝大家嘅關注，成立工作室係想擴闊工作圈子，作多方面不同嘅嘗試，挑戰自己，嘗試為自己計劃路線圖，讓工作及生活得到平衡。請大家多多支持！」近日在深圳忙拍劇的阿佘，前日專登返港與一班好朋友包括周家怡、梁靖琪、郭少芸、姚樂怡，湯盈盈及文頌嫻等一齊慶祝生日，阿佘在微博貼上大合照，並留言﹕「感謝你們為我帶來的驚喜，願我的一生都能擁有你們的愛！我好開心呀，我好愛你哋呀！」相中見眾人穿上粉紅色恤衫，背後還有一個氫氣球男公仔，文頌嫻爆是為阿佘催旺桃花。至於周家怡，昨在電話中說﹕「家姐鍾意粉紅色，一齊着住幾搞笑，冇諗係咪要催旺桃花，但如果有咁功效就加埋落去，希望幫埋我。」問是否贊成阿佘自己開工作室？家怡說﹕「家姐任何決定我都贊成，自己當年離開後都好好彩，碰到好多機會。」馬國明和導演葉念琛都恭喜阿佘自己開工作室，葉念琛不排除將來再合作，馬國明則說﹕「冇聽佢講過，無論佢乜嘢決定，都支持佢，祝佢事事順利。」有傳他合約將滿，他說：「我自己份合約仲有一段時間，多謝關心。」而已離巢的陳茵媺仍然過著開心湊B生活，她近日在微博貼上細女Camilla出世第十日的得意相，面珠圓圓令人好想啜一啖，茵媺並預告﹕「在家庭投入家庭...在工作投入工作...請俾啲耐性，我一定會返嚟！Fighting! 」
|
鍾意就快D Share啦！
|
|
|
