「我覺得好誇張，路口又多人，佢哋當街明目張膽咁毆鬥！」讀者陳先生，昨晚約8時半，行經葵芳新都會廣場及葵涌廣場的相連天橋，其間突然聽得葵涌廣場地下門口位置傳來大聲尖叫聲，循聲望去，赫見有10多名青年與4名青年嘈交，「我以為佢哋飲醉酒大咗，點知班人二話不說就打起上嚟。」陳先生指出，當時有人被雨傘扑頭後，自行負傷跑離現場；惟另3人疑不支倒地，即被至少9名青年圍著拳打腳踢。其後逞兇者往葵涌運動場方向離去，倒地的3人亦站起身，「見佢哋好似唔係咁傷，都離開咗現場。」由於現場毗鄰警署，上址亦人來人往，陳先生認為逞兇者肆無忌憚「不知所謂」，亦覺得很誇張。警方表示，有途人致電報警，聲稱目擊有多人打架，警方到場經初步調查，將案列作打架處理。葵青區區議員吳劍昇指出，葵涌廣場內的商品「因款式多，啱青少年」，常吸引年輕人聚集及shopping，加上現場毗鄰港鐵站，「成日都好多人行」，對有毆鬥事件發生，他認為警方應加把勁，「做多啲功夫」，他亦會向區內學校反映事件。葵青區區議員梁耀忠亦指，因有關商場人流旺，多青少年聚集，曾見多名青年在樓梯「打躉」及抽煙，並有零星打鬥發生。他建議警方多些往上址巡查，「令佢哋可以檢點啲。」想睇最新消息？ 即時follow【現場－蘋果突發】fb！http://fb.com/applecitycrime
| 葵涌廣場門外昨晚有多人當眾毆鬥。(讀者陳先生提供) |  警員到場時，有關人士已作鳥獸散。(讀者陳先生提供) |  警方事後在場調查。(黎家駒攝) |
來源 source: http://hk.apple.nextmedia.com
|
鍾意就快D Share啦！
|
|
|
