陳茵媺透露醫生話小公主Camilla出世唔只7磅，係8磅，依家仲應該有12磅𠻹！
靚媽陳茵媺（Aimee）上月追女成功，為老公陳豪誕下小公主Camilla！不知不覺，前日話咁快就滿月喇！Aimee尋日就喺微博上載咗張囡囡喺十日大時影嘅正面大頭相，非常之可愛！
出世有8磅
未幾，Aimee又忍唔住上載小公主嘅照片，佢留言：「忍唔住share多一張初生相…自從公佈（布）消息後，醫生後來提醒我BB出世體重是足足8磅的（不是七磅）。一個星期後變咗9.5磅。依家一個月大應該有12磅呀！係咪應該叫小公主做小豬豬呀？Haha! 🏼I love my little ballerina! 」
有機會車上接生？
及後佢仲發文透露知道生Camilla嘅時間比較短同快，所以做足準備，上網搵定喺車上生B嘅程序同所需工具，真係廿四孝媽咪呀！佢留言：「車上自己接生？有冇同大家分享由於知道第三胎出世的時間會比較短和快 ，而且路程由家到醫院也有好遠，為了做好充分的準備，就算BB突然在車程中出世，也是媽媽的預算計劃之内。I know 想法是抽象的！ 但也不能排除没有這個可能。我上YouTube蒐集資料，好多外國BB在車上出世需要知嘅程序同要帶嘅supplies…幸好最終不需要用！」
來源 source: http://hk.on.cc
|
鍾意就快D Share啦！
|
|
|
