睇嚟好多藝人都愛上咗直播呢樣嘢，連祖兒同克勤都唔例外。
容祖兒與李克勤於澳門威尼斯人舉行《容祖兒李克勤世界巡迴演唱會澳門站》，受訪時克勤提到演出期間他們進行了一個全世界的直播：「暫時收到嘅消息有300萬人次觀看，點讚就有千幾萬，當然我哋唔係用人次（觀看）嚟認叻嘅，只係覺得可以分享畀唔同嘅朋友。」祖兒就謂近日忙於在內地拍攝真人騷，非常奔波勞碌，但最喜歡還是唱歌：「好耐冇做一個歌手嘅工作，雖然好攰，但呢個係我最喜歡嘅工作。」
克勤就表示知道祖兒要在節目中扮鵰，欣賞她能放低身段，又笑說：「我一啲都唔介意，你盡量去做多啲綜藝節目宣傳我哋演唱會，嚟緊有歐洲國家杯，我就盡量同老婆去睇！」
擺朋友上台
提到男友劉浩龍（師兄）特意來捧場，祖兒笑說：「其實係因為佢近，近過去元朗，順便嚟睇吓囉，咁精彩嘅演出點可以唔睇呀！」克勤幫口說：「其實冇咩嘢囉，唔止男朋友同太太，我嘅父母、好多都有嚟，因為好近囉。」至於祖兒是否在台上與師兄打情罵俏？祖兒否認說：「全部係佢（克勤）自行想像。」克勤笑說：「喺台上梗係講呢啲㗎啦，為搏大家一笑，不惜任何代價，要擺朋友上台。」
來源 source: http://hk.on.cc
|
鍾意就快D Share啦！
|
|
|
