掃呢頁CODE去手機

2016年5月15日 星期日

《殭》:《殭》死完一個又一個 陳凱琳最玄 __,凱琳,《殭》,陳凱琳,

呢套劇愈死愈多人,到咗大結局嘅時候,會唔會得番鄭嘉穎同謝安琪㗎?即將迎接大結局嘅熱播劇《殭》,劇情迅速發展,唔少角色因為殭屍與不死人嘅鬥爭而冇命,首先有昨晚戰敗嘅龐應天(關禮傑飾),今日再有崔龍珠(威利飾),兩位「殭女神」阮冰(陳瀅飾)同何月(陳嘉寶飾),令一眾女神擁戴者大呼可惜。陳瀅死得離奇話說陳瀅之前雖然打敗不死人刑活著(鄭嘉穎飾),但竟然畀凌風(陳山聰飾)一擊KO,心口更慘被插穿,死得勁有美 ...


呢套劇愈死愈多人,到咗大結局嘅時候,會唔會得番鄭嘉穎同謝安琪㗎?

即將迎接大結局嘅熱播劇《殭》,劇情迅速發展,唔少角色因為殭屍與不死人嘅鬥爭而冇命,首先有昨晚戰敗嘅龐應天(關禮傑飾),今日再有崔龍珠(威利飾),兩位「殭女神」阮冰(陳瀅飾)同何月(陳嘉寶飾),令一眾女神擁戴者大呼可惜。

陳瀅死得離奇

話說陳瀅之前雖然打敗不死人刑活著(鄭嘉穎飾),但竟然畀凌風(陳山聰飾)一擊KO,心口更慘被插穿,死得勁有美感同夠晒搶Fo。而何月嘅臨終亦相當淒美,話說藍夢南(謝安琪飾)施展咗佢嘅絕技「一指靈」,令何月有少少時間同大家告別,仲可以還原番個靚樣...最後佢同簡霆斯(陸永飾)嘅吻別,睇到唔少網民都大嗌心碎。

陳凱琳內疚自殺

至於藍夢瑤(陳凱琳飾),可以話係「死」得最玄嗰個。點解咁講呢?話說佢因為之前拮到謝安琪咁傷覺得好內疚,所以想跳樓(好似係)加自插雙料自殺,不過由於佢用刀自插嗰陣,鏡頭突然一轉去咗第二個場景,所以到底佢有冇死到,真係一個千古之謎。相信大家想解謎嘅話,一定要追睇嚟緊嗰集嘅劇情...無綫咁識得賣關子同吊觀眾胃口,想唔畀個讚佢都唔得


來源 source: http://hk.on.cc
鍾意就快D Share啦!