ViuTV《瑪嘉烈》鬥激 宗堯床戰碧兒保怡全裸挑機
【ViuTV風雲】林保怡與周家怡主演的ViuTV新劇《瑪嘉烈與大衛系列 綠豆》，雖然屬生活小品，但當中原來也有不少大膽鏡頭，如保怡將會在劇中全裸，而客串演出的王宗堯將與廖碧兒搞婚外情上演激烈床戰。
本報獲得一張獨家圖片，相片中見到正在沖涼的保怡一絲不掛，據知此幕將在後晚播映的第12集《瑪嘉烈》中出現。劇情講述保怡沖涼時電話突然響起，於是要裸身接聽電話。據悉該鏡頭本可以遷就拍保怡上半身，但演出一向認真的保怡，為不想作假遮遮掩掩，決定全裸上陣，專業態度令工作人員大為佩服！
記者昨致電保怡，他說：「嗰場係大衛等緊瑪嘉烈電話，佢驚miss咗，所以攞埋個電話入沖涼房，沖沖吓瑪嘉烈真係打嚟，佢咪起身聽囉！至於機器擺邊度，係導演嘅意思。你知電視尺度去得邊吖，作為演員，同導演商量過，都諗唔到有啲乜嘢新啲嘅鏡頭去拍咁生活化嘅戲，因為我已經完全融入角色，大衛上身。」
■林保怡在ViuTV劇集《瑪嘉烈》中全裸演出，專業認真態度令工作人員佩服。
■林保怡、周家怡（右）和廖碧兒劇中多角關係糾纏不清。資料圖片
■王宗堯（中）曾於電影《壹獄壹世界‧高登闊少踎監日記》中演全裸床戲。劇照
宗堯背學而偷食至於王宗堯稍後將與趙學而客串《瑪嘉烈》飾演夫婦，他更會背妻與舊愛廖碧兒上演激烈床戰！記者昨致電王宗堯，他說：「一路想ViuTV有劇拍，自己又成日探保怡、家怡班，當初冇諗過一定要做，都係撐吓，但後尾原來佢哋有角色話搵我都啱，我覺得幫到手咪去做。ViuTV如果開多啲劇，對成個大環境都係好事。」與廖碧兒拍床戰尺度可以去到幾激？他笑說：「佢OK我OK㗎！」
■趙學而劇中飾演一個患重病又被丈夫背棄女人。資料圖片
■曾江為ViuTV拍《瑪嘉烈》，揚言要跟後生一輩學習。資料圖片
曾江出山過戲癮另外，去年憑電影《竊聽風雲3》奪香港電影金像獎最佳男配角的81歲曾江，亦會加入《瑪嘉烈》，飾演潘燦良父親。曾江已多年沒在香港拍劇，今次重出江湖可謂非常難得。
曾江昨說：「我喺大陸拍好多電視劇，就係好耐冇喺香港拍，咪玩吓囉！同啲比較新嘅朋友演員合作吓，跟佢哋學啲嘢。」有否看過ViuTV？曾江笑說：「從來冇，我都唔知點收（接收）！」當他獲悉《瑪嘉烈》於晚上11時播映時，他驚訝地謂：「嘩！咁即係捱眼瞓㗎喎？我都會睇，睇吓佢哋乜嘢形式，我都會配合。」
採訪：魯吉
|
鍾意就快D Share啦！
|
|
|
