台灣雞排妹鄭家純擁有32E勁爆身材，去年殺入香港出寫真搞「峰」搞「乳」，成功造成熱話！平靜一輪後，雞排妹最近喺社交網上載一張超激「半裸照」，分享瘦身成果，並宣告今年將再推出寫真，佢留言話：「為了七月的寫真書，這陣子控制飲食及運動，兩個月瘦三公斤，就是為了22吋腰，我很乖有認真。」
網民：想瘋狂同雞排妹做運動
相中雞排妹對鏡自拍，上身冇着衫，只係以手臂遮兩點，下身就只得一條白色內褲，只見雞排妹22吋纖腰完全零贅肉！此相一出，即刻成地鼻血，大批Fans讚好，紛紛話好想同雞排妹瘋狂做運動！
少油少鹽戒外賣
其實近日雞排妹真係好積極瘦身，見佢成日上載做運動相片，食得亦相當清淡，冇油冇鹽戒澱粉質，所以話要有咁Fit嘅Body真係唔容易！如果各位絲打想擁有好似雞排妹咁完美嘅葫蘆BODY，不妨可以參考吓雞排妹所講嘅餐單，不過少啲忍耐力都唔掂㗎喎：「一個月前開始盡量不吃白飯、麵食、麵包、油炸、勾芡、甜食、零食，外食我都不太能吃，這個月因為同學聚會及幫康姐過母親節，吃了兩次外食，其他時間都自己煮，過著（着）少油少鹽水煮的生活，吃烤地瓜、水煮蔬菜、蛋、香蕉、豆漿、白烚豬雞肉，在外面真的太餓就吃堅果。」
忍口忍到沒眼神
睇落去個餐單好似冇咩嘢，有香蕉又有堅果，番薯聽落都好飽肚，不過雞排妹就話，其實忍口好辛苦，仲搞到連眼神都空洞埋，真係陰公豬，佢話：「這陣子超崩潰及易怒，每吃一樣食物都在算熱量，每天晚餐後都在算今天吃了多少熱量。坐捷運聞到路人的鹹酥雞、在百貨美食街看大家吃很飽、看要增胖的朋友狂吃零食，不要說眼神空洞，我已經沒有眼神了。」
每日運動一小時
除咗戒口，雞排妹做運動亦相當積極：「每週（周）運動次數慢慢增加，到上週（周）開始是每天在家運動一小時（跑步熱身10分鐘＋鄭多燕啞鈴操20分鐘＋Hiit（註：高強度間歇訓練）30分鐘），兩天躺一次岩盤浴爆汗。」
兩個月減逾六磅
認真戒口，又認真做運動，所以雞排妹可以喺兩個月減咗三公斤（即係6.6磅），絕對係合情合理嘅事。
|
鍾意就快D Share啦！
|
|
|
