2016年5月29日 星期日

FFx個唱奇招盡出 走音露底夠晒騎呢 __,FFx,

真係好彩有Christy!成件事唔同晒!MK女子組合FFx喺麥花臣開人生嘅首個演唱會,一開場四人就着住好似太空衣嘅銀色裙出場唱《SugarBaby》、《見面禮》同《MKPop》,雖然佢地好落力咁跳,但仍然甩beat走音,不過都吸引到十多名龍友同男粉絲走到台邊起勢舉機影相同大叫。當Shirley單人自彈自唱自創歌曲時,佢解釋歌曲主題關於結婚,有粉絲聽到即刻大叫「你唔好結婚呀!」唱完四首自己歌,佢哋四 ...


真係好彩有Christy!成件事唔同晒!

MK女子組合FFx喺麥花臣開人生嘅首個演唱會,一開場四人就着住好似太空衣嘅銀色裙出場唱《Sugar Baby》、《見面禮》同《MK Pop》,雖然佢地好落力咁跳,但仍然甩beat走音,不過都吸引到十多名龍友同男粉絲走到台邊起勢舉機影相同大叫。當Shirley單人自彈自唱自創歌曲時,佢解釋歌曲主題關於結婚,有粉絲聽到即刻大叫「你唔好結婚呀!」

唱完四首自己歌,佢哋四個就挑戰唱《至少還有你》、《喜歡你》、《信者得愛》、《上帝早已預備》等歌曲,唔知係咪揀嘅歌曲難度太高,四人不停走音。最後仲落台同粉絲握手,但握手嘅時候不慎露出打底褲,益晒個粉絲!而當成員Ceci問:「山頂嘅朋友你哋落咗嚟未呀?嗌大聲啲!」記者隨即一望,山頂座位其實係冇人嘅,場面相當好笑!中場休息之後,四人輪流上台跳舞,當中以最靚嘅Christy最養眼,淨係晒長腿已經搶晒鏡!


來源 source: http://hk.on.cc
鍾意就快D Share啦!
Related Posts Plugin for WordPress, Blogger...