2016年6月19日 星期日

【嫩爸爸】事業未成結婚生仔 90後養一家四口 __,

這個年代,男人年過四十才做老竇是等閒事,年輕爸爸越來越少見,一來廿幾歲的後生仔,十個有九個都未玩夠,二來他們很多時會覺得一日未有樓有車,都唔敢諗結婚,何況生仔?但有大無畏九十後,23歲便當上爸爸,雖然收入不高,但也寧願自己死慳死抵,努力返工,盡早組織一個小家庭,養妻活兒。今年25歲的黃文輝(Raymond),大學畢業後工作了三年,看他一臉稚氣,但其實已經有個兩歲的兒子謙謙。回想幾年前,他和當時的女 ...




其他影片:>>






這個年代,男人年過四十才做老竇是等閒事,年輕爸爸越來越少見,一來廿幾歲的後生仔,十個有九個都未玩夠,二來他們很多時會覺得一日未有樓有車,都唔敢諗結婚,何況生仔?但有大無畏九十後,23歲便當上爸爸,雖然收入不高,但也寧願自己死慳死抵,努力返工,盡早組織一個小家庭,養妻活兒。今年25歲的黃文輝(Raymond),大學畢業後工作了三年,看他一臉稚氣,但其實已經有個兩歲的兒子謙謙。回想幾年前,他和當時的女友,即現時的太太Lilian拍拖大半年後便意外懷孕,當時的他只投身了社會一年,當然冇錢冇樓冇事業,知道消息後,又驚又喜,「當時得23歲,覺得好不可思議,見其他年紀大小小的同輩結婚後想要小朋友,等了幾年都未有,但卻發生在自己身上,會覺得,咦,原來有小朋友係咁簡單?其實都有點不知所措,但都是開心的。」他一向家庭觀念重,又喜歡小朋友,當時下定決心把孩子要生下來,相信慳慳哋應該養得起,反而是Lilian擔心,更問了Raymond一個問題:「我問他想負責任和我結婚組織家庭,還是分開做回好朋友,我做未婚媽媽也可以,他有空才來探小朋友,因為我倆當時始終太過年輕,不夠成熟,唔想大家因為有BB而夾硬結婚,將來鬧交時拎番出嚟講。」Lilian的反應,出乎Raymond意料之外,「當時覺得好驚訝,正常女仔都一定會要求結婚,沒有理由做未婚及單親媽媽。」他自言是傳統男人,也希望給小朋友一個榜樣,就算做了甚麼事都要負責任,同時給孩子一個完整的家庭。結果很man的向Lilian拋下了一句:「我會似個男人負責任,好好照顧你和仔仔,經濟方面雖然有點波動,但暫時不需擔心,只要放心交你個人畀我就得。」大學時儲錢創業 為仔仔放棄理想

這麼年輕成家立室,最大問題一定是經濟,幸好有家人幫忙資助結婚費用,婚後一家又和外母一起住,可省回屋租。Raymond讀大學時曾同時返幾份兼職,儲了一筆錢,原本打算用來創業和開單車店,但突如其來的BB,令這一切都要暫時擱置,改為將這筆錢用來養家。Raymond任職marketing,人工只得萬餘元,他甚至還提出原本任職sales的太太辭工湊仔,由他一人負起養家的責任,「我本身重家庭觀念,會將家庭排先過經濟,我就算搵萬零蚊,死慳死抵,除咗食飯坐車,其餘錢畀晒屋企都可以,我覺得照顧小朋友更緊要,錢可遲些再搵,但小朋友成長時間冇得再睇一次,自己親身經歷係最好,我寧願老婆辛苦少少自己湊,我出去打工搵錢。」最初做父母,由於沒有湊小朋友經驗,一切都只能靠自己摸索,仔仔有甚麼頭暈身㷫,網上討論區就成了兩人的救星,看他們帶仔仔出街,湊仔手勢已很純熟。Raymond以前喜歡踩單車和去旅行,現時已幾乎放棄,放假都寧願陪仔仔去公園玩,享受親子樂,他慶幸自己這麼年輕就當上爸爸,有更多精力陪仔仔玩,「好多時在公園見到家長坐埋一邊玩電話,我就寧願同阿仔玩,我家廿幾歲,仲有體力可以陪佢周圍跑,小朋友都會開心啲,因為唔係自己一個玩,係同家長一起玩。」做了爸爸,家庭放首位,連朋友聚會都甚少出席,同齡的朋友也疏遠了,變成和其他爸爸級朋友傾湊仔經,「我覺得有give有take啦,人哋廿幾歲出去玩,三十幾歲先結婚生仔,只係我同佢哋個次序掉轉咗。疏遠咗都無法避免,始終有個小朋友跟住,但係作為我的朋友都會明白,有啲朋友仲會叫我帶埋小朋友出嚟玩。」未玩夠做湊仔公 相信先苦後甜

年紀輕輕當上父母,人也被迫變得成熟,Raymond慶幸太太願意陪他一齊捱,所以他很顧及對方的感受,他知道太太經常困在家湊仔悶,不時會叫她約朋友去街鬆一鬆。兩夫婦現時都以家庭及仔仔為中心,「我哋兩夫婦之間,如果其中一方要單獨出街都會有個表,要確保仔仔當日身體情況ok,起居飲食有人照顧,處理好晒先出去,如果出去收到屋企電話,無論乜嘢情況,只要阿仔有事都一定要返屋企先。」比一般人早嚐當爸爸的滋味,Raymond雖然承認自己未玩夠,甚至為此暫時放棄了自己的夢想,但他相信先苦後甜,「玩夠未?當然未啦,得廿幾歲!但有小朋友後,好多時自己都要選擇,將想做的事擺低先,家廿幾歲,想做某啲嘢,其實好多時都會經濟afford唔到,得個諗字,但到將來三十幾歲時,阿仔都十幾歲了,我會多咗時間,又有經濟能力,反而可以做更多唔同嘅事,我會覺得係唔同角度嘅bonus囉。」記者:黃子配

攝影:黃子偉

今年25歲的Raymond慶幸年紀輕輕便當上爸爸,有更多體力陪仔仔玩。 為了兩歲的兒子謙謙,Raymond甘願暫時放下創業及開單車店的夢想。 Raymond和太太Lilian當年只得23、24歲就當上父母,在這個年代算少見。

鍾意就快D Share啦!
Related Posts Plugin for WordPress, Blogger...