啱啱喺上海宣傳完新戲嘅張栢芝，做完啲宣傳之後，佢又變身做番媽咪，帶住一對寶貝仔Lucas同Quintus周圍去玩。雖然向太陳嵐話栢芝唔畀謝霆鋒雙親，即係謝賢同狄波拉見Lucas同Quintus(相關新聞： http://bit.ly/23U5cDQ )，之不過最後拉姑都否認呢件事，仲話謝家個個都好，又讚栢芝教得啲孫好，一對寶貝孫都好有禮貌、有家教(相關新聞： http://bit.ly/1PzFmhH )。婆媳之間嘅問題，外人真係好難去講，不過正如拉姑咁講，一對寶貝孫，又真係好乖。查實呢幾日有網民喺微博貼圖，分別喺地鐵、商場野生捕獲栢芝，但係張張都見到Lucas同Quintus好乖咁拖住媽咪，唔覺唔覺，仲有2個月就9歲嘅Lucas只係俾栢芝矮半個頭左右，個樣似足霆鋒細細影周刊封面個樣，啱啱過咗6歲生日嘅Lucas亦都唔輸蝕，個樣好可愛！噚日仲有讀者林先生透過「爆相爆片」，喺噚日下晝4點半左右，喺海洋公園嘅售票處，又係野生捕獲張栢芝。林先生話當時只係見到佢哋三母子，唔覺有朋友或者外傭姐姐跟住，柏芝買完飛之後，好快就帶住兩個仔入場。哥哥Lucas好錫細佬，入場嗰陣幫手推住BB車，等媽咪擺好銀包同啲雜物，Quintus表現亦都好興奮，林先生話入場嗰陣聽到啲保安讚栢芝好nice，兩個小朋友都好乖。咁橋佢哋入咗入場之後又俾網民捕獲，唔知佢有冇停低影相，不過睇相就唔多覺佢黑面。
| 讀者林先生提供圖片 |  柏芝三母子 |  哥哥Lucas好錫細佬，入場嗰陣幫手推住BB車 |
 |  |  |
 向太上月初現身康城影展，接受騰訊娛樂訪問時，爆seed指栢芝禁止拉姑見兩粒孫。 |  當日向太爆完料後，栢芝經理人Emily即喺微博貼出拉姑同大孫Lucas嘅合照…(微博截圖) |  拉姑呢位好嫲嫲，又陪細孫Quintus畫畫。(微博圖片) |
 拉姑當日回應「唔俾見孫」傳聞時，連聲否認，又指：「佢哋真係好有禮貌，媽媽教得佢哋好好㗎，食飯有規矩啦，同佢哋傾偈都好有規矩好有家教。」 |
來源 source: http://hk.apple.nextmedia.com
|
鍾意就快D Share啦！
|
|
|
