卓韻芝真係好夠義氣，為咗兩位主持唔使接受大懲罰佢自己食老鼠呀！
藝人卓韻芝亮相ViuTV節目《晚吹－真PK》接受主持火火和KB（Kevin Boy）訪問，連番估中暗題的卓韻芝就令KB五度受難。KB先是被大隻佬啜頸整「咖喱雞」，又被大隻佬和卓韻芝畫大花臉，之後又因心虛「un腳」而被睇穿，搞到要受「保鮮木乃伊」之刑，成身包到實一實，認真陰功。KB一心想令火火受罰，故心急再問暗題，點知又被卓韻芝睇穿搞到中招，大隻佬以「Linda BB 甜心乳酪」招數，將口中的奶噴落KB度，過程核突之餘仲噴到KB一面都係，情況慘不忍睹。
最後，火火連珠爆發式先後問卓韻芝是否覺得自己的棟篤笑比森美、黃子華及林海峰的好笑，卓韻芝不虞防有詐，答了第五條暗題，搞到KB要放鋁罐在腳背上被踩，露出痛苦表情。
杯葛嗰個人成個小學雞咁
當火火和KB要準備接受曱甴大懲罰時，卓韻芝就捱義氣飲老鼠酒兼食老鼠令他們免罪，而她頂硬上後亦舉中指大呻食老鼠難頂。而在訪問中，火火就自爆曾一度視卓韻芝為理想對象，更曾試過在婚宴中，特意向隔兩張檯外的卓韻芝敬酒，認真作狀。而卓韻芝亦在訪問中自爆曾在電台工作時被杯葛：「我做啲咩佢都走去同其他人發脾氣，話點解佢有份我冇份，佢直情係會拉隊杯葛你，例如會話『今日係佢生日，不如我哋走晒熄晒燈！』小學雞咁。」雖然事過境遷，但她就相信該人本身性格如此，而曾經同台工作的火火就估該人是「着衫幾潮」的那一位。
來源 source: http://hk.on.cc
|
鍾意就快D Share啦！
|
|
|
