2016年6月10日 星期五

陳琪奇迹佗B 胡諾言湊女護駕 __,陳琪,胡諾言,

陳琪承認意外懷孕五個月,昨日出巡時見她已肚凸凸!
陳琪奇迹佗B胡諾言湊女護駕育有兩女的無綫星級夫婦胡諾言與太太陳琪,趁端午節公布喜訊!適逢昨日公眾假期,胡仔夫婦被發現帶同兩女兒行街,驚見陳琪肚凸凸,似足懷孕四、五個月!曾因流產流血不止而被診斷難以懷孕的陳琪受訪問承認意外懷孕,雖有陰影仍堅持佗下去:「唔諗係仔定女,只求大小平安!」陳琪承認意外懷孕五個月,昨日出巡時見她已肚凸凸!無綫藝人胡諾言與太太陳琪婚後育有兩名女兒,大女芷苓與細女芷悠分別已6歲及 ...


陳琪奇迹佗B 胡諾言湊女護駕

育有兩女的無綫星級夫婦胡諾言與太太陳琪,趁端午節公布喜訊!適逢昨日公眾假期,胡仔夫婦被發現帶同兩女兒行街,驚見陳琪肚凸凸,似足懷孕四、五個月!曾因流產流血不止而被診斷難以懷孕的陳琪受訪問承認意外懷孕,雖有陰影仍堅持佗下去:「唔諗係仔定女,只求大小平安!」

無綫藝人胡諾言與太太陳琪婚後育有兩名女兒,大女芷苓與細女芷悠分別已6歲及3歲。其實陳琪曾於2013年意外懷孕,但胎兒到七周大時突然心跳停止,需要進行人工流產,可是她在手術後七小時仍未止血,醫生更指若再流血三小時便要切子宮保命!幸好最後成功保住子宮,但醫生曾指她再懷孕的機會相當微。不過世事無絕對,「琪」迹原來已靜悄悄降臨!

昨日端午節假期,胡諾言與陳琪帶埋一對女兒行街享天倫樂,但陳琪的腹部明顯凸起,還穿上鬆身連身裙及平底鞋,可謂孕味甚濃!期間,一家四口到超市入貨, 肚凸凸的陳琪專攻生果,見女兒想食士多啤梨,欲選購時店員竟指着她的肚說:「唔好涼呀!」意指叫「大肚婆」不要吃。至於胡仔全程忙個不停,(目及)實一對跳跳紮女兒之餘,又要照顧「腹大便便」的太太,不時輕扶陳琪的腰相當細心。未幾,一家人移師親子樂園,見陳琪行兩行便要坐低休息,又不時摸肚!胡仔則繼續做廿四孝老竇兼老公左撲右撲,女兒又走向陳琪身旁「嗲」媽咪,並指着媽媽的肚說:「BB!」

陳琪烏身照顧女兒,上圍顯得更澎湃。
  • 陳琪烏身照顧女兒,上圍顯得更澎湃。
胡諾言帶女兒去親子樂園,全程湊女做阿四,陳琪一於坐低抖吓先。
  • 胡諾言帶女兒去親子樂園,全程湊女做阿四,陳琪一於坐低抖吓先。
女兒扭計,胡諾言即出手抱抱,不用老婆粗勞。
  • 女兒扭計,胡諾言即出手抱抱,不用老婆粗勞。

留陰影:夢見有壞消息

記者隨即致電給陳琪,她亦直認不諱已懷孕五個月,預產期為10月:「BB依家穩定晒,可以講得喇!」她透露今次屬意外懷孕,曾經歷險切子宮的她曾擔心「案件重演」,胡仔亦擔心太太而一度反對再生,但她認為今次是天賜禮物,故堅持佗落去:「自從嗰次(流產)後,醫生話再有嘅機會好微,加上我哋都有兩個女,所以冇諗過再生,始終擔心有危險。不過今次意外有咗,我一定會要!醫生話佗得好就唔會有事,唔要反而仲危險!」

胡諾言:有我做阿四,老婆放心安胎(設計對白)
  • 胡諾言:有我做阿四,老婆放心安胎(設計對白)
胡諾言輕輕扶實太太的腰肢,鬼咁細心!
  • 胡諾言輕輕扶實太太的腰肢,鬼咁細心!

陳琪坦言自懷孕後夫婦都十分緊張,承認仍有陰影:「依家檢查得好密,醫生、護士都知我緊張,每次檢查都會畀我聽BB心跳聲。頭兩、三個月又成日發夢,夢見醫生話有唔好嘅消息,醫生都話我壓力好大!連我父母都好緊張,一知我有咗已諗定坐月啲嘢,買定冬草蟲畀我補身。」而陳琪向來有哮喘,曾擔心藥物對胎兒有影響而自行減藥,結果遭醫生嚴厲責備:「醫生話啲哮喘藥唔會對BB有影響,反而到時自己哮喘發就仲麻煩!」

仔定女?只求大小平安

問到今胎是男定女?陳琪坦言只求大小平安:「因為之前冇過一次,成日都覺得係自己不停諗究竟係男定女,搞到BB會小器,都有怪責自己係咪諗得太多所以影響咗佢,所以今次不論男女,只要平安就咩都唔會諗。」她又直言現時全家嚴陣以待,懷孕初期要經常臥床休息,胡仔開工之餘還負責接送女兒返學。陳琪指最初知道有喜時正值拍劇:「當時都拍咗一半,老公好緊張咁叫我唔好再拍,但我見戲份大多坐喺度咪照拍。醫生話呢次BB個位好好,依家都放心啲。」

文:影視組


鍾意就快D Share啦!
Related Posts Plugin for WordPress, Blogger...