倫敦真係好熱鬧，點解？因為噚日有網民喺instagram post咗張相見到好多個背脊，不過就話喺倫敦街頭先後撞吳雨霏(Kary)同老公洪立熙，同埋Mandy Lieu、洗米華。咦！又make sense喎！Mandy陀住第二胎，洗米華日前仲飛咗去倫敦陪佢o添！咁Kary呢？佢又真係去咗旅行喎！喺容祖兒嘅instagram噚日就post咗Kary同老公嘅晒恩愛片，套衫仲一模一樣o架！仲有呀，Kary喺facebook開post話要休息下，唔通有傳佢有喜係真嘅？不過環球唱片發言人回應《蘋果》就話：「Kary同唱片公司仲有幾年合約，佢只係今年暫停錄碟，因為佢想享受二人世界，出碟要做好多宣傳。公司同佢有共識，廣告、活動嘅工作會照接。」至於係咪有好消息，發言人表示：「唔係，冇收到消息佢大肚。」咁又係喺Joey ig條片Kary仲好跳跳紮咁彈嚟彃去，一啲都唔似粗身大細。Kary暫別樂壇全文：「謝謝大家給我的生日祝福！！！我感受到很多愛呢我很少大長連篇的寫那麼多字，就容許我這個變三字頭的女人囉嗦一下吧。有時候我都幾懷念剛入行的我- 那個15歲死0靚妹。又煩又成日瀨野，成隻牛咁猛衝直撞。雖然蠢就蠢左D，但我好欣賞那份純真和衝勁架 (我又開始在想當年，這是變老的表現嗎...)然後很多人常常問我為什麼今年不出專輯，原因很簡單。我想我是到了人生另一階段，我終於想放慢腳步做我喜歡的事。除了讀書，我一直都在參與義工工作，也令我有很大的滿足感呢！入行14年，要停下來也需要勇氣，但也是因為這樣我才慢慢真正認識自己，面對自己，懂得愛錫自己和家人。我深信這一切都是天父爸爸想我體會到的！請大家放心，我仍然熱愛音樂，遇到好歌我一定會唱。但我現在，最想最想做的就是好好享受和做好太太的角色。所以呢，30歲才是人生的開始。吳家穎同學，你要加油！去找回那個15歲死0靚妹的傻勁去做你喜歡的事吧！
今年的生日願望，就是所有我愛的人和愛我的人都健健康康，開開心心！愛你你們！主恩常在！」
|
鍾意就快D Share啦！
|
|
|
